Новости за 21.08.2019

Президенти пешини Қазоқистон Нурсултон Назарбоев, ки моҳи марти имсол аз мақоми худ истеъфо дод, интиқодгарони ҳукумати кунунии кишварашро танқид кард. Назарбоев рӯзи 21-уми август дар ҷаласаи Шӯрои сиёсии ҳизби ҳокими "Нур Отан"-и Қазоқистон гуфт, ҳамаи интихоботҳо дар муҳлате баргузор хоҳанд шуд, ки Конститутсия муайян кардааст. Ӯ хост, ба суханони "мухолифони инфиродӣ"-е, ки интихоботи пеш аз муҳлати порлумониро пешниҳод доранд, посух дода шавад. "Мо суханони мухолифони худ ва блогерҳоеро мешунавем... Читать дальше...

Гурӯҳи нахустини зоирони тоҷик баъд аз адои маросими имсолаи ҳаҷ ба Душанбеву Хуҷанд баргаштанд.

Мақомоти пулиси Ҳинд мегӯянд, ки нерӯҳои амниятии ин кишвар рӯзи 21-уми август дар як даргирӣ дар Кашмир ду ниманизомиро ба қатл расонданд. Ба гуфтаи мақомоти ҳиндӣ, дар ин даргирӣ, ки дар минтақаи Барамулла воқеъ дар Кашмири зери контроли он кишвар рух дод, як афсари пулис низ кушта шудааст. "Ҳазорон нерӯи нав ба минтақа фиристода шуданд ва рӯзи 20-уми август қисмати қадимаи Барамулла тайи амалиёте аз сӯи нерӯҳои амниятӣ, бозҷӯӣ шуд",-гуфт як афсари пулис. Покистон ҳамзамон гуфтааст, ки се ғайринизомии... Читать дальше...

Ҳатман ки аз болоравии қимати билетҳои ҳавопаймо хабар доред. Агар не, пас хабар медиҳем. Дар бораи омодагӣ ба сафари Эмомалӣ Раҳмон ба Мастчоҳ низ сӯҳбат мекунем, чун атрофи он гап зиёд шуд.

Варзишгарони тоҷик дар Ҷоми бози Узбекистон оид ба варзиши сабук, ки рӯзҳои 17-18-уми август дар шаҳри Тошканд баргузор шуд, 12 медал (6 нишони тилло, 3 нуқра ва 3 биринҷӣ) ба даст оварданд.

Варзишгарони тоҷик дар мусобиқоти қаҳрамонии ҷаҳон оид ба қайиқронӣ, ки имрӯз, 21-уми август, дар шаҳри Жегеди Маҷористон шуруъ мешавад, ширкат меварзанд. Дар ин мусобиқоти ҷаҳонӣ ширкати варзишгарон аз 101 кишвар дар назар аст.

Гурӯҳи 180-нафарии зоирони тоҷик субҳи имрӯз, 21-уми август тавассути ҳавопаймои ширкати "Тоҷик Эйр" аз шаҳри Мадинаи Арабистони Саудӣ ба Душанбе расиданд. Дар Фурудгоҳи байналмилалии Душанбе зоирони тоҷикро намояндагони Кумитаи дин ва пайвандон пешвоз гирифтанд. Афшини Муқим сухангӯи Кумитаи дин, танзими анъана ва ҷашну маросими Тоҷикистон ба Радиои Озодӣ гуфт, бозгашти нахустин гурӯҳи зоирони шоми дируз 20-уми август ба Хуҷанд сурат гирифт. Раванди бозгашти зоирони тоҷик аз Арабистони Саудӣ ба ватан, то 1-уми сентябр идома хоҳад кард. Читать дальше...

Залмай Халилзод, фиристодаи вижаи Иёлоти Муттаҳидаи Амрико дар умури Афғонистон, рӯзи сешанбеи 20-уми август ҳини бозгашти дигарбора ба Қатар нисбат ба даст ёфтан ба тавофуқи сулҳ бо Толибон, ибрози умедворӣ кардааст.

Хадамоти муҳоҷирати Қирғизистон мегӯяд, 64 ҳазору 792 шаҳрванди ин кишвар дар "рӯйхати сиёҳ"-и Русия қарор доранд. Ба иттилои хадамот, моҳи майи соли равон 999 шаҳрванди Қирғизистон афв ва аз рӯйхат берун карда шудаанд. Бар асоси қонунгузории Русия, ба "рӯйхати сиёҳ" онҳое ворид мешаванд, ки бидуни иҷозат зиндагӣ ё кор мекунанд ва ҳамчунин қоидаҳои дигари будубош дар Русияро риоя нахоҳанд кард. Ин гуна муҳоҷирон аз Русия ихроҷ шуда, ҳаққи вуруд ба он кишварро ба муҳлати 5 сол надоранд. Пештар... Читать дальше...

Беш аз 9 ҳазор нафарро дар натиҷаи оташ гирифтани ҷангал аз ҷазираи Гран-Канарияи Испания ба ҷои амн кӯчонданд. Масоҳати оташсӯзӣ 10 ҳазор ҳектар заминро ташкил медиҳад. Сухангӯи Хадамоти ёрии изтирории Испания гуфт, ҳудуди 100 сокини як деҳаро натавонистанд, сари вақт ба ҷои амн интиқол диҳанд. Зеро ба гуфтаи ӯ, кӯчонидани онҳо хеле хатарнок буд. Сӯхтор ба боғи табиии Тамадаба, дар шимолу ғарби ҷазира низ расидааст. Шамоли сахт ва ҳарорати гармии ҳаво хомуш сохтани сӯхторро мушкил мегардонад. Читать дальше...

Вазири иқтисоди миллии Қазоқистон Руслан Даленов 20 август дар ҷаласаи ҳукумат гуфт, нархи як қатор маҳсулот, аз ҷумла пиёз, сабзӣ, картошка, биринҷ ва орди навъи якум дар бозорҳои ин кишвар боло рафтааст. Ба ҳисоби вазорат, пиёз 79%, сабзӣ 59,3%, картошка 32,9%, биринҷ 23,8% ва орди навъи якум 15,3% гарон шудаанд. Вазири савдои Қазоқистон Бахит Султонов сабаби болоравии нархҳоро набудани истеҳсоли мунтазам, шумори зиёди миёнаравҳо, риоя нашудани шартҳои нигаҳдорӣ ва таъсири иқтисоди Русия номид. Читать дальше...

Шаҳрвандони Туркманистон, ки қасди хориҷ шудан ба берун аз кишварро бо ҳадафи таҳсил доранд, ба мушкил рӯ ба рӯ мешаванд. Шоҳидон мегӯянд, дар фурудгоҳи шаҳри Ишқобод мақомот монеи ба хориҷ рафтани шаҳрвандоне мешаванд, ки қасди таҳсилро доранд. "Соли ҷорӣ номгӯи донишгоҳҳое нашр шуд, ки дипломашон дар Туркманистон эътироф мешавад. Аммо ҳоло ҳатто онҳоеро намегузоранд ба хориҷ раванд, ки донишгоҳҳои шомили рӯйхати мақомоти Туркманистонро интихоб кардаанд. Як моҳи охир даҳҳо ҷавондухтару ҷавонписарро нагузоштанд... Читать дальше...

Бонки марказии Узбекистон сар аз 20 август қурби асъори миллӣ - сӯми узбекиро озод гузошта, эълом кард, ки аз ин ба баъд қурби онро бозори арз муайян мекунад.  "Ҳамакнун қурби сӯмро харидорону фурӯшандагон муайян мекунанд. Ин зарурати иқтисодӣ аст",-гуфт раиси Бонки марказии Узбекистон Мамаризо Нурмуратов. Бонки марказии он кишвар ҳамчунин рӯзи сешанбе ба бонкҳои тиҷорӣ иҷозат дод, ки асъори хориҷиро ба таври нақди ба фурӯш бароранд. То рӯзи 20 август дар бонкҳои Узбекистон мумкин буд, асъори хориҷӣ фурӯхт... Читать дальше...

Президенти ИМА Доналд Трамп дар Твиттер тасвири бинои баландошёнаеро бо навиштаи "Trump" дар минтақаи аҳолинишине нашр кард, ки як қисми Гренландия гуфта мешавад. Трамп ба таври шухиомез навишт, "ваъда медиҳам, ки ин корро бо Гренландия нахоҳам кард!". Трамп 17 август гуфт, аз нигоҳи стратегӣ алоқаманд ҳаст, ки Греландияро барои ИМА бихарад. Вале ба гуфтаи президенти ИМА, ин кор яке аз иқдомҳои афзалиятноки маъмурияти вай нест. Трамп ба рӯзноманигорон афзуд, ки "ин мавзуи рақами як нест". Нахуствазирони... Читать дальше...

Як масъули идораи нафақа дар ноҳияи Фирдавсии Душанберо барои "аз худ кардан"-и беш аз 1 миллион сомонӣ (муодили беш аз 100 ҳазор доллар) пули бознишастагон муттаҳам карданд. Ин кор чӣ гуна сурат гирифт? Дар ин парванда танҳо пойи Зарина Боқиева кашида шудааст, ё афроди дигар низ ҳастанд?