Новости за 24.09.2019

Баъд аз ду рӯзи изҳороти мақоми баландпояи амрикоӣ дар бораи ҳамкориҳои Чину кишварҳои Осиёи Марказӣ ва вазъияти уйғурҳо, Пекин ҳам посух дод ва аз Иёлоти Муттаҳида хост, "дар талоши тафриқаандозӣ набошад". Дар ин бора Гэн Шуан, сухангӯи Вазорати умури хориҷии Чин рӯзи 24-уми сентябр дар нишасти матбуотӣ дар Пекин изҳорот дод. Майк Помпео, котиби давлатии Амрико, рӯзи 22-юми сентябр дар нишасти C5+1 ё ҳамоиши вазирони умури хориҷии Осиёи Марказӣ ва Амрико дар Ню-Йорк, аз онҳо хост, бо Чин зиёд наздик нашаванд. Читать дальше...

Писари Маҳмадалӣ Ҳаит, яке аз аъзои зиндонии Ҳизби наҳзати исломӣ дар машварати солонаи Созмони Амният ва Ҳамкории Аврупо дар бораи ҳуқуқи инсон дар шаҳри Варшава бо муроҷиат ба кишварҳои узв хост, дар раҳоии падараш мусоидат кунанд. Фирӯзи Маҳмадалӣ рӯзи 23-уми сентябр дар яке аз нишастҳои машварат, гуфт, боздошту муҳокимаи падараш бо қонуншиканиҳои зиёд сурат гирифтааст ва гуруҳи Созмони Милал ҳам ба ин хулоса расида ва аз ҳукумати Тоҷикистон хостааст, ки ӯро раҳо кунад. Аммо ба гуфтаи Фирӯзи Маҳмадалӣ... Читать дальше...

Фирӯзи Маҳмадалӣ, писари Маҳмадалӣ Ҳаит, узви зиндонии раёсати ҳизби дар Тоҷикистон мамнӯи Наҳзати исломӣ мегӯяд, бо падараш дар зиндон бадрафторӣ мекунанд. Аммо додситонии Тоҷикистон гуфтааст, ки ин иддаоҳо асосе надоранд ва касе бо Маҳмадалӣ Ҳаит бадрафторӣ ва ё ӯро шиканҷа накардааст.

Доналд Трамп, президенти Амрико, бори сеюм аз минбари Маҷмаи кулли Созмони Милали Муттаҳид суханронӣ кард.

Додгоҳе дар Душанбе як додраси пешинро бар асоси парвандаи бадахлоқӣ нисбат ба кӯдак баррасӣ мекунад. Наздикони ин марди бознишаста иттиҳомро пурра рад мекунанд. Ҳафтаи гузашта дар Додгоҳи ноҳияи Фирдавсии шаҳри Душанбе  баррасии парвандаи як додраси собиқ оғоз шуд, ки бар асоси моддаи “ҳаракати бадахлоқонаи шаҳвонӣ” нисбат ба ноболиғи 12-сола гумонбар мешавад. Тамоми иттилои марбут ба ҳувияти шахси айбдоршаванда дар ихтиёри Радиои Озодӣ аст, вале бо далелҳои ахлоқӣ маълумот нашр намешавад. Додраси собиқ бознишаста буда... Читать дальше...

Додгоҳе дар Душанбе як додраси пешинро бар асоси парвандаи бадахлоқӣ нисбат ба кӯдак баррасӣ мекунад. Наздикони ин марди бознишаста иттиҳомро пурра рад мекунанд.

Донишҷӯёни узбекистонии Донишгоҳи навоварии шаҳри Чимкенти Қазоқистон ахиран бо нашри як муроҷиати видеоӣ дар шабакаҳои иҷтимоӣ шикоят карданд, ки зери озору азияти сокинони маҳаллӣ қарор доранд. Рӯзи 21-уми сентябр дар донишгоҳи мазкур бо иштироки сафири Узбекистон дар Қазоқистон Саидикром Ниёзхоҷаев, намояндаи шаҳрдории Чимкент, муовини раиси Ассамблеяи мардумии Қазоқистон, раиси Анҷумани иттиҳодияҳои фарҳангии узбекони Қазоқистон "Дустлик" ҷаласае баргузор шуд. Ба огаҳии Вазорати умури хориҷии Узбекистон... Читать дальше...

Кай Душанбе шаҳри дучархаронҳо хоҳад шуд?

Дар маҷмаи кулли СММ, ки имрӯз дар Ню-Йорк оғоз мешавад, Президенти ИМА Доналд Трамп масъалаи Эронро матраҳ мекунад.

Президенти Туркманистон Қурбонгулӣ Бердимуҳаммадов бо имзои як фармон 868 маҳбусро афв кард. Дар ин бора Хабаргузории давлатии Туркманистон рӯзи 23-юми сентябр иттилоъ дод. Манбаъ афзудааст, ки фармони мазкур "бо риояи усули раҳмдилӣ ва инсонгарӣ бахшида ба 28-умин солгарди истиқлоли давлатии Туркманистон ба имзо расидааст". Рӯзи истиқлоли Туркманистон имсол 27-уми сентябр таҷлил хоҳад шуд. Ҳамчунин мақомоти ҳифзи ҳуқуқи Туркманистон вазифадор шудаанд, ки тамоми расмиётро то 27-уми сентябр анҷом диҳанд... Читать дальше...

Вазорати корҳои дохилӣ аз боздошти роҳбалади як ширкати мусофиркашонӣ хабар дод, ки ба фиреби муҳоҷирон айбдор мешавад. Назари Азиз Бобоҷонов, роҳбалади ширкати "Сомон Континент" дар ин бора маълум нест. Аммо масъулини ин ширкат боздошти кормандашонро тасдиқ карданд. Азиз Бобоҷонов, сокини 32-солаи шаҳри Душанбе ва роҳбаланди ширкати "Сомон Континент" ҳафтаи гузашта аз сӯи Раёсати ВКД дар бахши нақлиёт боздошт шудааст. Як мақом дар ин Раёсат, рӯзи 24-уми сентябр дар суҳбат ба Радиои Озодӣ гуфт... Читать дальше...

Федератсияи футболи Тоҷикистон аз ҳамаи мухлисон ва шаҳрвандони кишвар даъват ба амал овардаст, ки шоми имрӯз дастҷамъона ба истиқболи футболбозони наврас ба фурудгоҳи байналмилалӣ Душанбе биёянд

Ду зани тоҷикро аз Туркия ихроҷ кардаанд, боздошти роҳбалади ширкати нақлиётӣ ба хотири фиреби муҳоҷирон, суханронии Президенти ИМА дар Маҷмаи кулли СММ, муҳокимаи собиқ додраси муттҳам бо дастдарозӣ ба кӯдак ва матолиби дигар.

Доналд Трамп, раиси ҷумҳури Амрико, гуфт, ҳангоми суханронияш дар Маҷмааи кулли Созмони Милали Муттаҳид масъалаи калидӣ баҳс бо Эрон хоҳад буд. Трамп рӯзи 24-уми сентябр аз минбари Созмони Милал суханронӣ мекунад. Вай ҳадаф дорад, барои фишори сахттар болои Теҳрон дастгирии бештар касб кунад. Раиси ҷумҳури Амрико дар ин бора шаби 23-юми сентябр ба хабарнигорон иттилоъ дод. Доналд Трамп аз замони расидан ба қудрат дар муқобили Теҳрон сиёсати сахтгиронаро пеш мебарад. Дар моҳи майи соли 2018 президенти... Читать дальше...

Антонио Гуттереш, дабири кулли Созмони Милали Муттаҳид, аз ташкили Кумитаи Қонуни асосии Сурия хабар дод. Вай рӯзи 23-юми сентябр дар қароргоҳи Созмони Милали Муттаҳид дар Ню-Йок гуфт, намояндаҳои ҳукумат ва мухолифони сиёсӣ шомили ин кумита хоҳанд буд. Гуттереш афзуд, Кумитаи Қонуни асосии Сурия баъд аз тақрибан ду соли музокирот амалӣ шудааст. “Ин як кумитаи муътабару баробарвазн ва фарогири ҳама аст”, -- гуфт ӯ ва афзуд, бовар пурра дорад, ки ташкили ин кумита  оғози як масири сиёсӣ ба сӯи роҳи ҳалли ҷанги беш аз ҳаштсолаи Сурия хоҳад буд.

Дар шаҳри Нурсултони Қазоқистон дар натиҷаи бархӯрди мошини борбар бо автобус 22 мусофир ва ронанда маҷруҳ шуданд. Ин ҳодиса рӯзи 23-юми сентябр рух дод. Мақомоти пулиси шаҳри Нурсултон мегӯянд, мошини борбар ба автобус роҳ надод ва дар натиҷа ин садама рух дод. Дар наворҳое, ки дар шабакаҳои иҷтимоӣ нашр гардид, дида мешавад, ки қисмати пеши автобус зарар дидааст. Баъди расонидани ёрии таъҷилии тиббӣ 22 мусофир ба манзилҳояшон фиристода шуданд, аммо ронанда бистарӣ гардид. Пулис таҳқиқи ҳодисаро шуруъ кардааст.

Мақомоти Туркия ду зани тоҷикро, ки ҳафтаи гузашта дар ҷараёни амалиёти пулис дар Истанбул дастгир шуда буданд, ба Душанбе супурдааст. Онҳоро бо иттиҳоми танфурӯшӣ аз Туркия рондаанд.  Яке аз ин занон рӯзи 24-уми сентябр дар суҳбати телефонӣ ба Радиои Озодӣ гуфт, онҳо танфурӯшӣ накардаанд, балки дар Истанбул дар пайи ёфтани ҷойи кор дар корхонаҳои нассоҷӣ буданд. Туркия баъд аз Русияву Қазоқистон кишвари нисбатан дастрас барои кору зиндагӣ ва тиҷорати шаҳрвандони Тоҷикистон аст. Бар асоси ҳисобҳои ғайрирасмӣ... Читать дальше...

Туркия дар солҳои мустақилӣ дар иқтисоди Қирғизистон бештар аз 600 миллион доллар сармоягузорӣ кардааст. Дар ин бора рӯзи 24-уми сентябр президенти Қирғизистон Сооронбой Ҷеенбеков дар форуми тиҷории Туркияву Қирғизистон хабар дод. Ба гуфтаи вай, соли 2018 аз Туркия 93 миллион доллари сармоя ворид шудааст. Гардиши солонаи мол байни ду кишвар бештар аз 400 миллион долларро ташкил медиҳад. "Дар гуфтугуҳо бо роҳбари Туркия Раҷаб Эрдуғон мо ба созиш расидем, ки гардиши солонаи молро ба 1 миллиард доллар расонем. Читать дальше...

Иёлоти Муттаҳидаи Амрико ҳузури низомиашро дар Лаҳистон густариш медиҳад. Дар ин бора Доналд Трамп, президенти ИМА рӯзи душанбе дар мулоқот бо президенти Лаҳистон Анджей Дуда дар шаҳри Ню-Йорк хабар дод. Роҳбарони ду давлат эъломияи густариши ҳамкориҳоро дар бахши мудофиа имзо карданд. Ҳуҷҷат пешбинӣ мекунад, ки ба Лаҳистон иловатан 1000 низомии дигари амрикоӣ фиристода хоҳад шуд. Лаҳистон вазифадор шуд, ки инфрасохтмони лозимӣ барои ҳузури низомиҳоро фароҳам оварад. Сухан аз сохтмони пойгоҳи нави низомӣ намеравад. Читать дальше...

Дар Душанбе биноҳои баландошёна ҷойи хонаҳои кӯҳнаро мегиранд. Баъзе аз сокинон аз тағйир ёфтани симои пойтахт ситоиш мекунанд, вале бархеи дигар мегӯянд, ки сифати хонаҳои нав бад аст ва тармим мехоҳад. Дар солҳои охир сохтмони манзил дар Тоҷикистон зиёд шуда, дар манотиқи марказ ва канораҳои пойтахт баландошёнаҳо қомат афрохтаанд. Бархе сокинон мегӯянд, ки авҷи сохтмони манзил мушкили камбуди хона, ба вижа манзилҳои сохти нав ва замонавиро ҷуброн мекунанд. Вале зоҳиран на ҳама сокинон аз сохтмонҳои нав розӣ ҳастанд. Читать дальше...

Роҳбарони Фаронса, Олмон ва Бритониё бо пахши як баёния Эронро масъули ҳамла ба корхонаҳои нафти Арабистони Саудӣ донистанд.  Хабаргузории Ройтерс навишт, Эммануел Макрон, Ангела Меркел ва Борис Ҷонсон дар баёнияе гуфтанд, "равшан аст, ки Эрон дар пушти ҳамла ба корхонаҳои нафтии Арабистон қарор дорад. Ҳеҷ шарҳу эҳтимоли дигар вуҷуд надорад." Роҳбарони ин се кишвари Аврупо, ба зарурати гуфтугӯҳои дипломатӣ барои коҳиши таниш дар минтақа таъкид карданд. "Замони он фаро расидааст, ки Эрон музокироти... Читать дальше...

Дар Душанбе биноҳои баландошёна ҷои хонаҳои кӯҳнаро мегиранд. Баъзе аз сокинон аз тағйир ёфтани симои пойтахт ситоиш мекунанд, вале бархеи дигар мегӯянд, ки сифати хонаҳои сохташуда бад асту тармим мехоҳад.

Маъмурони Оҷонси мубориза бо коррупсия дар Тоҷикистон як корманди Хадамоти муҳофизаи Вазорати умури дохилиро ба гирифтани 30 ҳазор доллар ришва муттаҳам карданд. Мақомот мегӯянд, Анвар Саидов дастгир шудааст, вале назари пайвандон ва вакили ӯ ба ин қазия то ҳол дастрас нест.  Дафтари матбуоти Оҷонси мубориза бо фасоди молӣ рӯзи 24-уми сентябр дар хабаре гуфт, Анвар Саидов ва шарикаш Болтухон Болтаев бар асоси шикояти як шаҳрванд моҳи август боздошт шудаанд. Даъвогар гуфтааст, ин ду нафар "барои... Читать дальше...

Қоҳир Расулзода, нахуствазири Тоҷикистон, ба шаҳри Ню-Йорк рафтааст, то дар иҷлоси 74-уми Маҷмаи умумии Созмони Милали Муттаҳид иштирок кунад. Нишасти Созмони Милал рӯзи 24-уми сентябр оғоз шуда, шаш рӯз давом меёбад. Дар он роҳбарону нахуствазирон ва вазирони умури хориҷии даҳҳо кишвари ҷаҳон иштирок мекунанд. Мавзӯи суҳбати Қоҳир Расулзода дар нишасти Созмони Милал маълум нест. Мақомот дар ин бора тафсилот надодаанд. Вале дар гузашта намояндагони Тоҷикистон дар нишасти Созмони Милал асосан... Читать дальше...