Новости за 31.10.2020

Шумори гирифторони коронавируси нав дар Тоҷикистон рӯзи 31-уми октябр ба 11017 нафар расид.

"Чаро ҷавонон ихтиёрӣ ба хидмати ҳарбӣ намераванд?" дар барномаи "Гапи Озод" баҳс шуд. Гардонанда: Абдулло Ашӯров. Меҳмонҳо: Музаффар Бобоҷонов, узви созмони “Дафтари озодиҳои шаҳрвандӣ” ва роҳбари ташкилоти “Волидони сарбозон” ва Абдурақиб Қодиров, сухангӯи ташкилоти Мададгори Мудофиаи Тоҷикистон.

Доналд Трамп ва Ҷо Байден дар интихоботи рӯзи 3-юми ноябр бо ҳам рақобат мекунанд. Ҳар раъй муҳим аст, аммо номзадҳо барои ба даст овардани орои баъзе аёлатҳо талоши бештар ба харҷ медиҳанд.

Русия мегӯяд, агар домани даргириҳо миёни Арманистону Озарбойҷон бар сари минтақаи Қаробоғи Кӯҳӣ ба қаламрави Арманистон бирасад, Маскав ба Ереван "кумаки зарурӣ" хоҳад расонд. Ин нуктаро вазири умури хориҷии Русия рӯзи 31-уми октябр дар баёнияе эълон кард ва айни замон аз ҷонибҳо хост, хушунатро ҳарчи зуд коҳиш диҳанд. Пештар Никол Пашинян, сарвазири Арманистон, аз раиси ҷумҳури Русия Владимир Путин хостааст, ки баҳсҳои фавриро дар бораи кумаки амниятӣ оғоз кунад. Пашинян гуфтааст, хушунат ба марзҳои... Читать дальше...

Cадҳо фаъоли маданӣ, аз ҷумла вакилони мудофеъ, бо талаби ислоҳоти сиёсӣ ва хотима додан ба таъқиботи сиёсӣ дар шаҳри Алмато тазоҳурот карданд. Дар гирдиҳамоии рӯзи 31-уми октябр тақрибан 300 нафар иштирок доштанд. Мақомоти Қазоқистон дар оғози моҳ иҷозат доданд, ки тазоҳурот баргузор шавад, дар ҳоле ки ду талоши пешинаи вакилони мудофеъ ноком анҷом шуда буд. Мақомоти Қазоқистон ба тазоҳуроте, ки сиёсати ҳукуматро зери шубҳа мегузорад, ба сахтӣ ва аҳёнан иҷозат медиҳанд. Бино ба қонунгузории Қазоқистон... Читать дальше...

Мақомот мегӯянд, муроҷиати беморони COVID-19 ба шифохонаҳои бемориҳои сироятӣ камтар шудааст ва баъзе аз бемористонҳоро махсус барои муолиҷаи гирифторони коронавирус омода мекунанд. Кадом бемористонҳоро? Дар ин видео бубинед.

Як сокини 39-солаи шаҳри Душанбе пойи равону дасти гиро ва забони гӯё надорад, аммо зеҳни тезаш ӯро аз муҳтоҷӣ ва дастнигарӣ раҳондааст. Хуршед Давлатбеков мегӯяд, ҳар моҳ мунтазири 180 сомонӣ (тақрибан 18 доллар) нафақаи маъюбӣ наменишинад, балки тиҷорати хурдеро ба роҳ мондааст.

Дар ин видео бо зиндагии як ҷавони маълули тоҷике ошно шавед, ки мегӯяд, ҳеҷ гоҳ намехоҳад, бекор биншинад.

Сокинони шаҳраки Консой дар вилояти Суғд, шимоли Тоҷикистон, аз набудани оби ошомиданӣ шикоят доранд. Консой дар шаҳри Гулистон, Қайроққуми собиқ, воқеъ аст, ки аз қаламраваш рӯди бузурги Сир мегузарад ва обанбари Қайроққум ҳам дар онҷост.

Мақомот дар вилояти Суғд аз тоҷирон хостаанд, ки гарданбандҳои машҳур бо номи "тӯмори зидди коронавирус" (Virus shut out)-ро нафурӯшанд.

Иттиҳодияи сабтиномнашудаи "Нағиз Атажұрт" дар Қазоқистон хабар дод, ки қазоқҳои фирорӣ аз Чин Кайш Акан ва Багашар Малиқулӣ барои як сол ҳаққи паноҳандагиро дар ин кишвар дарёфт карданд. Вакилони дифои онҳо низ ин хабарро тасдиқ карданд.

Дар Туркманистон гардиши қатор (поезд)-ҳои мусофирбар ва мусофирбар (автобус)-ҳо байни минтақаҳо ҳадди ақал то 1-уми январи соли 2021 барқарор нахоҳад шуд.

Дар Узбекистон ба зидди 51 мудир ва масъули 11 оҷонси хусусии кор парвандаи ҷиноӣ кушодаанд. Дар ин бора аз Вазорати меҳнат ва равобити кории Узбекистон хабар доданд.

Созмони Ҷаҳонии Муҳоҷират (IOM) ва ҳукуматҳои се кишвари Осиёи Марказӣ созиш кардаанд, ки охири ҳар моҳ шаҳрвандони бандмондаи Тоҷикистонро дар Қазоқистон тавассути "долони сабз" ба ватан мефиристанд.

Вазири корҳои хориҷии Қирғизистон Руслан Казакбоев аз Қазоқистон дархост кард, ки Вазорати тандурустии Қирғизистонро бо дору ва васоили муҳофизатӣ таъмин кунад.

Андрей Кубатин, олими шарқшиносу туркшиноси Узбекистон рӯзи 29-уми октябр аз бемории коронавирус даргузашт.

Президенти Украина Владимир Зеленский 30-юми октябр тарҳи қонунеро ба порлумон пешниҳод кард, ки қатъи ваколати Додгоҳи конститутсионии ин кишварро пешбинӣ мекунад. Ҳамчунин бекор шудани яке аз қарорҳои додгоҳ ва ваколати додрасҳое пешниҳод мешавад, ки онро содир кардаанд.

Шумори ҷонбохтагон аз зилзилаи нирӯманд дар шаҳри Измири Туркия ва ҷазираи Самоси Юнон ба 26 нафар расид.

Кумитаи миллии олимпии Тоҷикистон мегӯяд, дар ноҳияи Ҷаббор Расулови вилояти Суғд мусобиқаи ҷумҳуривӣ оид ба ҷудо байни ҷавонони соли таваллудашон 2000-2002 баргузор шуд

Созмони байналхалқии ҳомии ҳуқуқи Amnesty International аз ҷомеаи ҷаҳонӣ хост, зери номае унвонии мақомоти маҳбаси Шинҷони Чин имзо гузоранд ва аз қазоқтабори зиндонӣ Нагиз Муҳаммадулӣ ҳимоят кунанд. Ба иттилои созмон, Нагиз Муҳаммадулӣ ҳамроҳ бо хонаводааш ҳашт сол пеш аз Чин ба Қазоқистон кӯчид ва баъди як сафари кутоҳ ба Чин дар моҳи марти соли 2018 боздошт ва дар "ҷудоиандозӣ" айбдор шуд. Amnesty International хабар медиҳад, ки ӯро моҳи сентябри соли ҷорӣ ба ҳабси якумрӣ маҳкум кардаанд. Хешовандони Муҳаммадулӣ гуфтаанд... Читать дальше...

Худкушии як корманди бахши амнияти Фурудгоҳи Душанбе, ки наздиконаш онро ба пардохт нашудани маоши чандмоҳа рабт доданд, вале масъулони идора рад карданд, мавзӯи пардохти моҳонаи коргаронро дар Тоҷикистон доғ кард. Шерафган Хоҷақулов рӯзи 25-уми октябри имсол дар ҷойи кор худкушӣ кардааст.

Худкушии як корманди бахши амнияти Фурудгоҳи Душанбе, ки наздиконаш онро ба пардохт нашудани маоши чандмоҳа рабт доданд, вале масъулони идора рад карданд, мавзӯи пардохти моҳонаи коргаронро дар Тоҷикистон доғ кард. Шерафган Хоҷақулов рӯзи 25-уми октябри имсол дар ҷойи кор худкушӣ кардааст.

Дипломатҳои баландпояи Озарбойҷону Арманистон дар Женева бо ширкати миёнҷиҳои байналмилалӣ ба баррасии шарту шароити созиши нави сулҳ пардохтанд, дар ҳоле, ки даргириҳо дар минтақаи ҷудоиталаби Қарабоғи Кӯҳӣ идома дорад ва се созиши қаблии оташбас бенатиҷа анҷомид.