Новости за 11.03.2021

Мухолифини ҳукумати Беларус Ҷамъияти миллии Салиби Сурхро дар даст доштан дар тақаллуби густарда дар интихоботи президентии ин кишвар айбдор карданд.

Бино ба иттилои дарёфтӣ, Неъматулло Солеҳзода, сардори Шуъбаи корҳои дохилии ноҳияи Ҷайҳун (Қумсангири собиқ), бо иттиҳоми "суистифода аз мансаб" дастгир шудааст. Ӯ моҳи январи соли 2020 ба ин мансаб таъин шуда буд.

Рӯзноманигорони тоҷик бо баргузории маросиме дар шаҳри Душанбе аз иди касбии худ таҷлил карданд, вале ба ҷуз аз тақдими ҷоизаву ифтихорномаҳо, аз мушкилоти соҳа нагуфтанд.

Бозраси вижаи Амрико барои бозсозии Афғонистон ҳушдор додааст, ки хуруҷи ҳазорон паймонкори низомии Амрико аз Афғонистон дар охири моҳи оянда, метавонад барои нерӯҳои афғон "харобиовартар" аз хуруҷи сарбозони амрикоӣ бошад. Бар асоси созиши соли гузашта миёни ҳукумати Доналд Трамп ва Толибон, нерӯҳои амрикоӣ ва паймонкорони хориҷӣ бояд то аввали моҳи майи соли 2021 аз Афғонистон берун шаванд. Ҷон Сопко, бозраси вижаи Амрико барои бозсозии Афғонистон дар як нишасти онлайнӣ дар Маркази таҳқиқоти стратегӣ ва байналмилалӣ дар Вашингтон гуфт... Читать дальше...

Додгоҳи шаҳри Исилкули вилояти Омски Русия ба баррасии парвандаи як шаҳрванди Тоҷикистонро шурӯъ кардаст, ки ҳамроҳ бо як нафар қазоқ тавассути қатори боркашон ба қаламрави Русия ворид шудаанд. Тафтишот дуи онҳоро ба убури ғайриқонунии сарҳад дар таърихи 22-уми декабр айбдор мекунад.

Имрӯз 11-уми март дар Тоҷикистон рӯзи матбуот таҷлил шуд. Хабарнигорони тоҷик, дар ҳоле рӯзи касбии худро ҷашн мегиранд, ки ба гуфтаи созмонҳои байналмилалӣ озодии баён дар кишвар маҳдуд шуда, латкӯбу таҳдиди журналистон дар Тоҷикистон солҳои охир афзоиш ёфтааст.

Дар ҳоле, ки Тоҷикистон ҳадаф дорад IT-паркҳои технологӣ ё пойгоҳҳои фанновариҳои нави рақамӣ таъсис диҳад. Соҳибназарон мегӯянд, ки бидуни фароҳам овардани шароити фанниву қонунгузорӣ ва коҳиши мизони андозбанӣ ин амр муассир нахоҳад буд.

Раъйпурсӣ барои тағйир додани Конститутсияи Қирғизистон 11-уми апрели имсол баргузор мешавад. Вакилони порлумони Қирғизистон лоиҳаи баргузории раъйпурсиро қабул карданд.

Марҳилаи гурӯҳии Лигаи қаҳрамонҳои AFC-2021 дар гурӯҳи «А» бо иштироки қаҳрамони Тоҷикистон - «Истиқлол» -и Душанбе - дар Арабистони Саудӣ баргузор мешавад. Дар ин бора сомонаи Федератсияи футболи Тоҷикистон хабар медиҳад. Ба иттилои манбаъ, “Истиқлол” дар як гурӯҳ бо бошгоҳҳои “Ал-Ҳилол” (Арабистони Саудӣ) ва “Шабоб Ал-Аҳлии Дубай” (Имороти Муттаҳидаи Араб), инчунин ғолиби ҷуфти плей-офф “Ал-Ғарафа” (Қатар) - АГМК (Узбекистон) бозӣ мекунад. Дар марҳилаи гурӯҳии Лигаи қаҳрамонҳои АФК-2021 қаҳрамони Тоҷикистон шаш бозӣ анҷом медиҳад. Читать дальше...

Дар шаҳри Новосибирски Русия як сокини ҷамоати Ворухи Тоҷикистонро дастгир ва баъд аз бозпурсӣ раҳо кардаанд. Диловар Ҷӯраев мегӯяд, боздошти ӯ бо талаби Қирғизистон рӯзи 11-уми март ва аз тарафи як гуруҳ аз афсарони пулис сурат гирифт.

Як сол пеш, 11-уми марти соли 2020, Созмони Ҷаҳонии Тандурустӣ эълон кард, ки сирояти коронавируси нав ба пандемия табдил ёфтааст

Бенямин Нетаняҳу, нахуствазири Исроил рӯзи 11-уми март нахустин сафари расмии худро ба Имороти Муттаҳидаи Арабӣ аҷном медиҳад. Ин аввали бор пас аз оддисозии робитаҳои Иморот ва Исроил дар шаш моҳи ахир аст, ки Иморот мизбони расмии нахуствазири Исроил хоҳад буд. Ба навиштаи расонаҳо, интизор меравад, ки Нетаняҳу бо валиаҳди Имороти Муттаҳидаи Арабӣ Шайх Муҳаммад бин Зоид Ан-Наҳён дар фурудгоҳи Абу Забӣ мулоқот кунад ва худи ҳамин рӯз ба Исроил баргардад. Дафтари нахуствазири Исроил таъйид кардааст... Читать дальше...

Томас Бах дубора президенти Кумитаи байналмилалии олимпӣ (КБО) интихоб шуд. Дар ин бора сомонаи расмии Кумитаи миллии олимпии Тоҷикистон хабар медиҳад. Ба иттилои манбаъ, Бах барои ин мансаб ягона номзад буд ва дар ҷаласаи онлайнӣ ё маҷозии КБО, ки 10-уми март баргузор шуд, 93 раъй ба даст овард. Як нафар мухолиф ва чор нафар бетараф буданд. Ҳуқуқшиноси олмонӣ, президенти нӯҳуми КБО, ки роҳбарии Ҳаракати олимпиро соли 2013 бар дӯш гирифт, қарор аст то соли 2025 дар ин вазифа кор кунад. Бах... Читать дальше...

Бар асари фаромадани тарма дар ноҳияи Айнии вилояти Суғд се нафар ҷони худро аз даст додаанд.

Иттифоқи журналистони Тоҷикистон рӯзи 11-уми март зимни маросиме ба муносибати Рӯзи матбуот, барандагони ҷоизаи Лоҳутиро эълон кард.

Антонио Гутерреш, дабири кулли СММ рӯзи чаҳоршанбеи 10-уми март ба муносибати даҳумин солгарди ҷанги дохилии Сурия гуфт, ки беш аз 60 дарсади мардуми ин кишвар бо гуруснагӣ рӯбарӯ ҳастанд.

Додгоҳи шаҳрии Бишкеки Қирғизистон манъи баргузории гирдиҳамоӣ ва эътирозҳоро бекор кард. Дар ин бора рӯзи 10-уми март ҳуқуқшинос Евгения Крапивина хабар дод. Ба гуфтаи вай, ба ин тартиб ҳукми зинаи поёнии додгоҳ - додгоҳи ноҳияи Якуми майи шаҳри Бишкек бекор шуд, ки қарори манъи гирдиҳамоиҳоро барои 2 моҳ содир карда буд. "Дар воқеъ, ҳукуматҳои маҳаллӣ ҳаққи маҳдуд кардани гирдиҳамоиҳоро доранд. Аммо онҳо ҳам наметавонанд, ҳамаи чорабиниҳоро манъ кунанд, танҳо он чорабиниҳое, ки ҷанг, адоватро таблиғ мекунанд... Читать дальше...

Дар Либия ду ҷониби асосии ҷанги шаҳрвандӣ ҳайати ҳукумати навро тасдиқ карданд. Порлумони он кишвар ҳукумати навро қабул кард. Шаҳрҳои Триполӣ ва Бенгазӣ давоми ҳафт сол пойтахти ду тарафи ҷанг буданд. Гуфта мешавад, ҳукумати нав то моҳи декабри соли ҷорӣ кишварро идора мекунад ва он замон интихоботи нав баргузор мешавад. Ҷанги шаҳрвандӣ дар Либия баъди барҳам задани ҳукумати Муаммар Қаззофӣ дар соли 2011 шуруъ шуд. Ташкили ҳукумати нав қисме аз нақшаҳои СММ барои манъи ҷанг дар Либия аст. Читать дальше...

Гуфтугӯи ҳайатҳои Тоҷикистону Қирғизистон оид ба таъйин ва аломатгузории марзҳо 16-уми марти соли равон дар шаҳри Гулистони вилояти Суғд баргузор хоҳад шуд. Ба огаҳии хадамоти матбуотии Вазорати умури хориҷии Қирғизистон, раҳбари ин ниҳод Руслан Қазоқбоев бо ҳамтои тоҷики худ Сироҷиддин Муҳриддин суҳбати телефониеро анҷом дода, масоили марбут ба ҳамкориҳои ду кишварро баррасӣ кардааст. Ҷонибҳо қайд кардаанд, ки "гуфтугӯи навбатии марзӣ ба таъмини амнияту субот мусоидат карда, ҳамзамон имкон медиҳад... Читать дальше...

Як ҷавони тоҷик мегӯяд, аз боми бинои 19-ошёнае дар Душанбе, ки сохтмонаш идома дорад, ба рӯйи пойҳояш оҳанпора афтод ва ӯро аз чаҳор ангушту тавони роҳ гаштан маҳрум кард. Ба қавли Сиёвуш Акобиршоеви 25-сола, ҳодиса моҳе пеш дар кӯчаи Бухорои пойтахт рух дод.