Новости за 05.12.2023

Дастаи "Истиқлол"-и Тоҷикистон бозии даври шашуми марҳилаи гурӯҳии Лигаи қаҳрамонҳои AFC (Конфедератсияи футболи Осиё)-2023/24-ро бо тими "Ал-Наср"-и Арабистони Саудӣ бо ҳисоби 1:1 анҷом дод.

Ҳарчанд муҳлати ҷалби тирамоҳии ҷавонон ба артиш дар Тоҷикистон рӯзи 30-юми ноябр расман ба поён расид, Вазорати дифоъ дар бораи иҷрои нақша маълумот намедиҳад.

Ҳарчанд, рӯзи 30-юми ноябр муҳлати ҷалби ҷавонон ба артиш дар Тоҷикистон расман ба анҷом расид, аммо худдории Вазорати дифоъ аз пешниҳоди маълумоти расмӣ дар бораи иҷрои нақша, миёни сокинон ва намояндагони баъзе созмонҳои ҷамъиятӣ ҳадсу гумонҳоеро ба миён овардааст.

Хабарҳои рӯз

Шоми 5-уми декабр футболбозони бошгоҳҳои Истиқлол ва Ан- Насри Арабистони Саудӣ, дар Душанбе бо ҳам рақобат мекунанд. Рақобатро дар Тоҷикистон зиёд интизор буданд, зеро умед, доштанд ситораи футбол Роналдоро аз наздик бубинанд. Аммо бозӣ бе ҳузури ин футболбоз хоҳад гузашт. Чаро?

Дидбони Ҳуқуқи Башар (Human Rights Watch), созмони муътабари ҳомии ҳуқуқи инсон, ҳукми зиндони блогери шинохта Олимҷон Ҳайдаровро дар Узбекистон танқид кард.

Як ҷавони ҳаждаҳсоларо дар Душанбе барои шиканҷаи наврасе бо “электрошокер” дастгир кардаанд.

Владимир Путин, президенти Русия, 6-уми декабри имсол ба Арабистони Саудӣ ва Имороти Муттаҳидаи Арабӣ хоҳад рафт. Рӯзи дигараш ба Маскав бармегардад, чун мулоқоти ӯ бо раиси ҷумҳурии Эрон дар назар аст.

Хадамоти зидди фасоди Қазоқистон хабар дод, ки се додрас дар вилояти Алматои он кишвар ба фасод гумонбар мешаванд.

Кумитаи дифоъ аз хабарнигорон (Committee to Protect Journalists) тасдиқ кард, ки аз замони ҷанги Исроил бо “Ҳамос”, дар камтар аз ду моҳи охир, 63 рӯзноманигор кушта шудааст.

Баҳор зодрӯзи Радиои Озодист. Тасодуфан ё дониста нахустин барномаи тоҷикии он рӯзи 21 ё 22-юми марти соли 1953 пахш шудааст.

Имсол Радиои Озодӣ ҳафтодсола шуд. Ба ин муносибат филме пешкаши бинандагон мешавад, ки аз тарафи ҳамкорамон Барот Юсуфӣ таҳия шудааст.

Як пажуҳиши Созмони Ҷаҳонии Тандурустӣ нишон додааст, ки нисфе аз сокинони аз 18 то 64-солаи Узбекистон вазни барзиёд дошта, 20 дарсади онҳо аз фарбеҳӣ ранҷ мебурдаанд.

​Фариноз Абдуллоева, варзишгари тоҷик,  дар мусобиқоти қаҳрамонии бокси ҷаҳон миёни наврасони то 16-сола медали нуқра ба даст овард. Мусобиқа аз 24-уми ноябр то 4-уми декабр дар шаҳри Еревани Арманистон баргузор шуд.

Хабарнигори пешини Бахши туркмании Радиои Озодӣ Худойбердӣ Аллашов дар шаҳри Кёнеурганҷи Туркманистон боздошт шудааст.

​Гурӯҳҳои топографӣ ё маконнигории Тоҷикистон ва Қирғизистон бар сари таъйини 24 километри дигари сарҳад мувофиқа кардаанд. Мулоқоти ҷонибҳо аз 29-уми ноябр то 5-уми декабри имсол дар шаҳри Бӯстони Тоҷикистон гузашт.

Раиси Фонди саудии рушд Султон Абдураҳмон Ал-Маршад дар мулоқот бо президенти Тоҷикистон Эмомалӣ Раҳмон ҷонибдории худро аз бунёди ҳар чи зудтари нерӯгоҳи "Роғун" баён кардааст.

Як дипломати пешини Амрико муттаҳам шуд, ки даҳсолаҳо барои ҳукумати коммунистии Куба ҷосусӣ кардааст. Додситонҳои амрикоӣ аз ин парванда ба унвони яке аз густохонатарин мавриди хиёнат ба ин кишвар ном бурдаанд.

Додгоҳе дар шаҳри Алматои Қазоқистон рӯзноманигорон Владимир ва Наргис Северниҳоро, ки ба "тамаъҷӯӣ дар ҳаҷми калон" айбдор мешуданд, мутаносибан 7 ва 8 сол аз озодӣ маҳрум кардааст. Қаблан айбдоркунандаи давлатӣ барои рӯзноманигорон 11 соли зиндон талаб карда буд. Вакилони дифоъ ва худи гумонбарон аз додгоҳ хоста буданд, ки онҳоро озод намояд, зеро дар "кирдорашон таркиби ҷиноят вуҷуд надорад". Тибқи маводи парванда, Северниҳо соли 2019 аз молики як шабакаи тарабхонаҳо Дмитрий Дремасов... Читать дальше...

Бастаи қонунҳое ба Думаи давлатии Русия пешниҳод шуда, ки барои истифодаи пойгоҳи маълумоти шахсии рахнашуда ҷавобгарии ҷиноӣ пешбинӣ карда, ҷазоро барои худи рахнакунӣ сангинтар менамоянд. Лоиҳаи қонунҳоро сенаторҳо аз Ҳизби ҳокими "Русияи воҳид" Андрей Турчак, Андрей Клишас, Ирина Рукавишникова, Константин Долгову Артем Шейкин, вакилони Думаи давлатӣ Александр Хинштейн, Ирина Панкина, Дмитрий Вяткин ва Антон Немкин пешниҳод кардаанд. Муаллифон хостаанд, барои истифода, пешниҳод ва ҷамъоварии маълумоти шахсӣ... Читать дальше...