Новости за 02.01.2024

Як мард аз ноҳияи Шаҳритуси вилояти Хатлон "порае аз ҷигарашро" ба ҳамсари худ додааст, то ӯро солҳои дароз зиндаву саломат бинад.

Гази моеъ, як сӯзишвории серистифода дар Тоҷикистон, тайи се ҳафтаи охир якуним сомонӣ арзон шудааст, аммо сокинон шикоят доранд, ки чаро нархи роҳкиро поин наомад.

Нархи гази моеъ, ки тайи як моҳи гузашта гарон шуда буд дигарбора поин рафтааст. Чун ҳамеша баробари боло рафтани нархи газ, ки ронандагон дар Тоҷикистон аз он истифода мебаранд, роҳкиро ҳам қимматтар шуда буд. Ҳоло ин суол матраҳ аст, ки чаро бо арзон шудани нархи газ, роҳкиро бетағйир монд?

Бенямин Нетаняҳу, сарвазири Исроил, мегӯяд, ҷанг дар Ғазза тӯлонӣ хоҳад буд ва эҳтимол як сол идома кунад. Пештар мақомоти исроилӣ гуфта буданд, ки барои маҳви гурӯҳи тундрави “Ҳамос” дар минтақаи муҳосирашуда чанд моҳ зарур аст.

Бенямин Нетаняҳу, сарвазири Исроил мегӯяд, ҷанг дар Ғазза тӯлонӣ хоҳад буд ва эҳтимол як сол давом хоҳад кард. Пештар мақомоти исроилӣ мегуфтанд, ки барои нобудии гурӯҳи Ҳамос дар Ғазза чанд моҳ лозим аст.

Хабарҳои рӯз

Дар таътили зимистонаи мактаббачаҳои тоҷик наврасону хурдсолонро дар Кӯлоб барои тамошои як намоишномаи кӯдакона ба театр даъват кардаанд. Дар чанд соли охир бори аввал аст, ки барои кӯдакон дар Кӯлоб намоишномаи махсус пешниҳод мешавад.

Пулиси Олмон рӯзи 1-уми январ дар пайванд ба ҳамлаи эҳтимолии террористӣ дар калисои Кёлн як гумонбари дигарро дастгир кард.

Ба гузориши "Ассошиэйтед Пресс", рӯзи 2-юми январ дар шаҳри Хон Юнус дар ҷануби Навори Ғазза даргириҳои сахт ҷараён дорад. Задухурдҳо як рӯз пас аз он шиддат гирифт, ки Исроил гуфт ҳазорон низомиёни худро аз қисмати дигари Ғазза берун мекунад.

Дар пайи амалиёте дар маркази шаҳри Санкт-Петербург қариб се ҳазор муҳоҷирро дастгир кардаанд.

Тими миллии футболи Тоҷикистон дар доираи омодагӣ ба қисми ниҳоии Ҷоми Осиё-2023 бо тими миллии Ҳонконг бозии санҷишӣ анҷом медиҳад.

Федератсияи байналмилалии ҷудо (IJF) як қатор мусобиқаҳои бузург ва бонуфузро дар соли 2024 ба нақша гирифтааст.

Додгоҳи олии Тоҷикистон ба муҳокимаи муттаҳамон ба қатли Шӯҳрат Исматуллоев, муовини собиқи раиси "Ориёнбонк", бонки наздик ба хонаводаи президент, сар кардааст.

Мақомот дар охири моҳи декабри соли 2023 гуфтанд, ки аз қасди худкушии як духтари 21-сола дар Душанбе пешгирӣ карданд. Раёсати умури дохилии пойтахт гуфт, зани ҷавон мехост худро аз ошёнаи ҳафтум ба замин партояд. Якдигарнофаҳмӣ байни ӯ, волидон ва ҳамсари собиқашро сабаби чунин рафтор гуфтанд. Дар як моҳи охир ин кӯшиши дувуми худкушии занону духтарон аст, ки расонаӣ мегардад. Чаро ҷинси латиф дар Тоҷикистон ба ин амал даст мезананд ва роҳи ҳал кадом аст?

Ли Ҷи Минг, роҳбари Ҳизби мухолифи Кореяи Ҷанубӣ субҳи 2-юми январ мавриди ҳамла қарор гирифт. Ба гузориши хабаргузории Yonhap, ҳодиса замоне рух дод, ки оқои Минг дар шаҳри бандарии Пусан бо хабарнигорон суҳбат мекард. Марди ҳамлавар бо корд ба ин сиёсатмадор ҳамла кардааст.

Шумори қурбониёни заминларзаи субҳи 1-уми январ дар Ҷопон дастикам ба 16 нафар расид. Рӯзномани ҷопонии Mainichi Shimbun навиштааст, танҳо дар шаҳри Вадзима дар ғарби Ҷопон, камаш ҳашт нафар ба ҳалокат расиданд. Ин омор метавонад  бештар шавад.