Ҳалокати 13 нафар дар натиҷаи лағжиши хок дар Чин
Дар натиҷаи тӯфоне, ки як миллион нафарро дар Чин беҷо кард, 13 нафар кушта ва 16 тани дигар нопадид шудаанд. Тӯфон сабаби лағжиши хок ва чунин мусибат шудааст. Хабаргузории давлатии “Синхуа” рӯзи 10-уми август хабар дод, ки тӯфон дар ҳамин рӯз ба вилояти шарқии Жейҷианг расид ва суръати тундбод дар як соат 187 километрро ташкил медиҳад.
Мақомот қабл аз расидани тӯфон ба бештар аз як миллион нафар амр доданд, ба ҷойҳои амн бираванд. Дар ин вилоят ҳаракат кардан айни замон бисёр сахт аст. Парвози ҳазорон ҳавопаймо дар шарқи Чин ва баъусус аз фурудгоҳҳои азими Шанхайро манъ карданд. Ҳаракати 200 қатор аз шаҳри Ҷинан дар вилояти Шангдон низ то рӯзи душанбе муттавақиф шуд.