Тихановская мегӯяд, Беларус бояд мустақил бимонад
Светлана Тихановская яке аз номзадҳо ба мақоми раиси ҷумҳури Белорус гуфт, мухолифи таъсиси кишвари воҳид бо Русия аст, вале хост, робитаҳои хуб бо Маскав нигаҳ дошта шавад. Тихановская, тарҷумони забони инглисӣ баъди он ба сабқат барои соҳиб шудан ба мақоми курсии раиси ҷумҳур ворид шуд, ки шавҳараш Сергей Тихановский, видеоблоггери шинохта дар Беларусро дастгир карданд.
Светлана Тихановская дар суҳбат бо хабаргузории Lenta.ru гуфтааст: “Шахсан ман, мухолифи ҳамоиши амиқтар бо Русия ҳастам, чун Беларус кишвари мустақил аст. Мо мехоҳем, мустақил бошем. Мо мехоҳем дар байни кишварҳо дӯст пайдо кунем, на душман.”
Вақте аз ӯ пурсиданд, ки Беларус бояд дар пайи пайвастан ба Иттиҳоди Аврупо бошад, ё ба Ғарб наздик шавад, ӯ гуфт, ки ин як интихоби дурӯғ аст. Ӯ дар посух гуфт, Беларус бояд ҳамкориҳои иқтисодӣ ва сиёсиро бо тамоми кишварҳо ривоҷ диҳад.