Нимфинали Ҷоми Тоҷикистон-2021: "Истиқлол" – "Эсхата" ва "Хуҷанд" - "Равшан"
Бозиҳои аввали даври ниманиҳоии Ҷоми Тоҷикистон-2021 рӯзҳои истироҳат, 6-7-уми ноябр, баргузор мешаванд, хабар медиҳад сомонаи Федератсияи футболи Тоҷикистон.
Ба иттилои манбаъ, рӯзи шанбе, 6-уми ноябр, дар Варзишгоҳи марказии пойтахти кишвар «Истиқлол»-и Душанбе бо «Эсхата»-и Хуҷанд рақобат мекунад.
Бозии дигари ниманиҳоӣ рӯзи якшанбе, 7-уми ноябр, дар варзишгоҳи «20-солагии Истиқлолияти Тоҷикистон»-и шаҳри Хуҷанд миёни дастаҳои «Хуҷанд» ва «Равшан»-и Кӯлоб баргузор мешавад. Ҳарду бозӣ соати 14:30 оғоз меёбад.
Бозиҳои ҷавобии ниманиҳоии Ҷоми Тоҷикистон-2021 рӯзҳои 27-ум ва 28-уми ноябр ба нақша гирифта шудааст. Тибқи низомнома нимфинали Ҷоми Тоҷикистон-2021 аз ду бозӣ (хона-сафар) иборат аст.
Ҷоми Тоҷикистон-2021
Нимфинал. Бозиҳои аввал
6-уми ноябр (шанбе)
Оғози бозӣ – соати 14:30
«Истиқлол» – «Эсхата»
Душанбе, Варзишгоҳи марказии ҷумҳуриявӣ
7-уми ноябр (якшанбе)
Оғози бозӣ – соати 14:30
«Хуҷанд» – «Равшан»
Хуҷанд, варзишгоҳи «20-солагии Истиқлолияти Тоҷикистон»