Раиси сенати Қазоқистон аз мақомаш барканор шуд
Қосимҷомарт Тоқаев, президенти Қазоқистон рӯзи 24-уми январ раиси сенати он кишвар Маулен Ашимбоевро аз мақом барканор, вакилони навро таъйин ва чаҳор сенатори дигарро дар мақомҳояшон бозтаъйин кард.
Тоқаев Ашимбоевро вакили сенат таъйин кардааст. Маълум нест, ки оё вай дубора раиси сенат - табақаи болоии порлумони Қазоқистон мешавад ё на.
Маулен Ашимбоев моҳи майи соли 2020 дар ивази Дариға Назарбоева, духтари президенти пешини Қазоқистон Нурсултон Назарбоев раиси сенат шуд.
Интихоботи сенати Қазоқистон рӯзи 14 январ баргузор шуд. Аз 17 вилояти Қазоқистон 20 вакил интихоб гардид. Барои 20 курсии сенат 130 номзад даъво доштанд.