Ak Tam Kremliň Meksikanyň prezidentlik saýlawlaryna täsir ýetirmäge synanyşýandygyny aýtdy
Meksikanyň “Reforma” atly neşriniň 7-nji ýanwarda habar bermegine görä, ABŞ-nyň milli howpsuzlyk boýunça geňeşçisi H.R. MakMasteriň dekabrda Waşingtondaky Jamestown fondunda eden çykyşynyň wideosynda bu barada mälim edilipdir.
MakMaster 15-nji dekabrda eden çykyşynda Meksikanyň iýul aýyna bellenen saýlawlaryna Orsýetiň goşulmagynyň subutnamalarynyň eýýäm bardygyny aýtdy.
“Biz munuň demokratik jemgyýetleri bölmek we munuň bilen şol jemgyýetleri bir-birine garşy goýmak boýunça çylşyrymly tagalladygyny görýäris” diýip, MakMaster aýtdy, emma güman edilýän goşulyşmak hereketiniň nämeden ybaratdygyny anyklaşdyrmady.
MakMaster ABŞ-nyň hökümetiniň Kremliň propagandany we dezinformasiýany ýaýratmak üçin ösen kiber gurallary ulanmagyna aladalanma bildirýändigini aýtdy.
Reuters agentligi MakMasteriň edarasynyň bu maglumaty dessine kommentirlemändigini aýtdy. Kreml tarapyndan hem kommentariý bolmady.