"Talyban" owgan parahatçylyk gepleşiklerini dikeltjegi baradaky habary ret etdi
Pakistan mediasy Yslamabatda Halylzad bilen uly derejeli pakistan resmileriniň, şol sanda premýer-minbistri Imran Hanyň arasynda 18-njy ýanwarda bolan duşuşyklaryň dowamynyň bolmak ähtimallygyny habar berdi.
Emma “Talyban” bu habary 19-njy ýanwarda ýalana çykardy.
"Biz Yslamabatda Zalmaý Halylzad bilen hiç bir duşuşygyň bolmajagyny açyk aýtmak isleýäris” diýip, “Talyban” hereketiniň sözçüsi Zabiullah Mujahidiň beýanatynda aýdylýar.
Halylzad Yslamabada 17-nji ýanwarda geldi we Pakistanyň premýer-ministri Imran Han, şeýle-de daşary işler ministri Şah Mahmud Kureşi we beýleki resmiler bilen duşuşdy.
Tramp adminstrasiýasy Halylzady dört aý öň parahatçylygy gepleşmek boýunça ýörite wekil edip belledi.
Owganystanda doglan Halylzad ABŞ-nyň weteran diplomaty bolup, Jorj W. Buş döwründe Owganystanda, Yrakda we BMG-de ilçi bolup işledi.