Putin Russiýany INF şertnamasyndan çykardy
Prezident Wladimir Putin ABŞ bilen Sowuk urşy döwri baglaşylan şertnamadan Russiýany resmi ýagdaýda çykardy diýip, Kreml maglumat berýär.
Mundan öň, ABŞ Moskwany 1987-nji ýylda baglaşylan “Orta aralykly ýadro güýçleri” (INF) şertnamanyň şertlerini bozmakda aýyplap, fewral aýynda ondan çykypdy.
Bu ylalaşyk iki ýurduň hem gury ýer ganatly raketalaryny atyjysyny ýa-da 500 we 5,500 kilometr aralygyna ýetýän ballistik raketalary işläp düzmegini we edinmegini gadagan edýärdi.
Waşington we NATO Moskwany gaýta-gaýta öz 9M729 ganatly raketasyny (SSC-8 diýip hem bilinýär) gurup, şertnamanyň düzgünlerini bozmakda aýyplapdylar.
Russiýa muny ret edip, ABŞ-nyň özüni şertnamanyň düzgünlerini bozmakda aýyplady. Waşington öz gezeginde Moskwanyň aýyplamalaryny inkär etdi.