Ermeni sudy ozalky prezident Koçarýanyň deslapky tussaghanadan boşadylmagyny buýurdy
Koçarýan şu aýyň başynda 2008-nji ýylyň aprelinden soňlanan on ýyllyk prezidentliginiň soňky hepdelerinde konstitusiýa gurluşyny bozmakda aýyplanyp suda çekildi.
Ýerewan sudy 18-nji maýda, dekabrda tussag edileli bäri deslapky tussaghana saklanylýan 64 ýaşyndaky Koçarýanyň, Dagly-Garabagyň liderleriniň kepillginden soň, azatlyga goýberilip biljekdigini aýdy.
Dagly-Garabagyň liderleri onuň sud diňlenişigi gaýdadan başlanda, suda geljekdigine kepil geçdiler.
Koçarýan goşundaky esgerlere 2008-nji ýylyň fewralynda geçirilen prezident saýlawlarynda ýol berildi diýilýän galplyklara garşy protest bildirýän oppozisiýa goldawçylaryna gaşy güýç ulanmak barada bikanun görkezme bermekde aýyplanýar.
Ol özüne garşy bildirilýän aýyplary ret edip, olaryň syýasy äheňlidigini öňe sürýär.