Новости за 20.03.2018

Türkiýäniň "CNN Turk" telekanalynyň habaryna görä, Kaýseri şäherinde barlag üçin duruzylan awtobusda 3 kilogram 30 gram geroin bilen tutulan türkmenistanly zenan saklanypdyr. Habara görä, Kaýseriniň polis müdirliginiň neşä garşy göreş bölüminiň işgärleri ýurduň gündogardaky welaýatlardan jemlenen neşäniň Türkiýäniň günbatar welaýatlaryna äkidiljegi barasynda gizlin maglumata eýe bolupdyr. Ondan soň şäherara ýolagçy gatnadýan awtobuslary durzup barlamaga başlan polisler, awtobuslardan biriniň bagažyndaky sumkasynda... Читать дальше...

Saud Arabystanynyň mirasdüşer şazadasy Muhammad bin Salman 20-nji martda Ak Tama sapar eder we Eýranyň dünýäniň iň täsirli alty ýurdy bilen 2015-nji ýylda baglaşan ýadro ylalaşygyna degişli “kemçiliklere” we Eýranyň Ýakyn Gündogardaky konfliktlere goşulyşmagyna degişli, taraplaryň umumy maksatlary barada pikir alyşar diýlip, resmi maglumatlarda habar berildi. “Biziň ýadro ylalaşygy baradaky garaýyşymyza görä, ol kemçilikli ylalaşykdyr” diýip, Saud Arabystanynyň daşary işler ministri Abdel al-Jubeir... Читать дальше...

19-njy martda Türkmenistanyň prezidenti Gurbanguly Berdimuhamedow ýurduň Telewideniýe, radiogepleşikler we kinematografiýa baradaky döwlet komitetiniň başlygynyň orunbasary Eziz Rejebowy “işden goýberen düýpli kemçilikleri üçin” wezipeden boşatdy.

Düýn, ýagny 19-njy martda Azatlyk Radiosynda türkmen häkimiýetleriniň Azatlyk bilen hyzmatdaşlyk edýän, habarlaşýan ýa-da maglumat ugradýan çeşmelerini yzarlaýandygy barada maglumat çap edildi. Azatlyk Radiosy öz çeşmeleriniň şahsyýetiniň howpsuzlygy boýunça çynlakaý tagalla edýär we olaryň gizlinligine aýratyn üns berýär.

ABŞ-nyň prezidenti Donald Tramp Eýranlylara we Nowruz baýramyny belleýän beýleki musulman ýurtlaryna gutlag bilen ýüzlendi we Eýranyň hökümetini we täsirli Yslam Rewolýusiýasynyň Gwardiýasyny berk tankyt etdi. “Men dünýäniň dürli ýerlerinde bahar baýramyny toýlaýan millionlarça adama owadan we mübärek Nowruz arzuw edýärin” diýip, Tramp 19-njy martda iberen gutlag beýanatynda aýtdy. Tramp öz gutlagynda Eýranyň halkynyň “halka hyzmat etmegiň deregine özlerine hyzmat edýän hökümdarlaryň” ýüküni çekýändigine ynanýandygyny belledi. Читать дальше...

Orsýetiň prezidenti Wladimir Putin Britaniýada orsýetli öňki gizlin agentiň zäherlenmegi bilen baglylykda London tarapyndan ýurtdan çykarylan 23 sany orsýet diplomaty bilen duşuşmagy planlaşdyrmaýar diýip Kremliň metbugat wekili aýtdy. Britaniýanyň premýer-ministri Teresa Meý tarapyndan içalyçylar diýlip atlandyrylan orsýet diplomatlaryna Beýik Britaniýany terk etmek üçin bir hepde berlipdi we olaryň Moskwa 20-nji martda gitmegine garaşylýandygy aýdylypdy. Britaniýa we onuň ýaranlary 4-nji martda... Читать дальше...

13 sany gyrgyz zenany Orsýetde tikinçilik kärhanasynda “gulçulykdan boşadyldy” diýip, Gyrgyzystanyň polisiýa resmisi aýtdy. Gyrgyzystanyň Içeri işler ministrliginiň metbugat-wekili Bakyt Seitowyň 19-njy martda Azat Ýewropa/Azatlyk Radiosyna aýtmagyna görä, gyrgyz zenanlarynyň iş berijisi olaryň pasportlaryny ellerinden alyp, hereket azatlygyny çäklendiripdir. Zenanlar Moskwadan 185 kilometr uzaklykda ýerleşýän Rýazan şäheriniň tikinçilik kärhanasynda özleriniň ýüzbe-ýüz bolan kynçylyklary barada... Читать дальше...

Kürtleriň şäheri Halabjada amala aşyrylan pajygaly gaz hüjüminden 30 ýyl soň, weýrançylykdan aman galan müňlerçe ýerli ýaşaýjy ýaşaýyş ugrunda we adalat ugrunda henizem göreşip gelýärler. Saglyk pudagynyň resmileri şähere 1988-nji ýylyň 16-njy martynda taşalanan zäherli gazyň adamlaryň dem alyş ulgamlarynda hroniki kesellere, rak keseleniň köpelmegine we çagalaryň maýyp dogulmagyna getirendigini aýdýar. Siriýada zäherli gazlaryň henizem ulanylýan wagty, Halabjadaky göreş himiki ýaraglaryň ulanylmaly däldigi barada adamzada sapak bolmaly!

Türkmenistan Nowruz baýramyna we köpçülikleýin agaç ekişlige döwlet derejesinde taýýarlanýar. Türkmenistanyň prezidenti 19-njy martda geçiren wideo-şekilli maslahatynda Nowruz baýramyna taýýarlyga we agaç ekmek aksiýasyna aýratyn üns berdi we ony ýokary derejede geçirmek baradaky ozalky tabşyrygyny ýene-de gaýtalady. Gurbanguly Berdimuhamedow, hususan-da, her bir döwlet edara-kärhanasynda nobatçylary bellemegi tabşyrdy. Türkmenistanda 21 we 22-nji martda bellenýän Nowruz baýramy resmi dynç alyş günleri hasaplanýar. Читать дальше...

Birleşen Ştatlaryň prezidenti Donald Tramp Nowruz baýramyny geçirýän eýranlylara iberen ýyllyk gutlagynda Eýranyň hökümetini we täsirli Rewolýusiýa sakçylaryny tankyt astyna aldy. “Men dünýäniň dürli ýerlerinde bahar baýramyny toýlaýan millionlarça adama owadan we mübärek Nowruz arzuw edýärin” diýip, Tramp 19-njy martda iberen gutlag beýanatynda aýdýar. Tramp gutlagynda Eýran halkynyň “halka hyzmat etmegiň deregine özlerine hyzmat edýän hökümdarlaryň” ýüküni çekýändigine ynanýandygyny belleýär. Читать дальше...