Новости за 02.04.2021

Türkmenistanda walýutanyň gara bazarynda dollaryň nyrhy günsaýyn gymmatlamagyny dowam etdirýär. Anna güni Aşgabatda bir dollar 37 manatdan satyn alyndy, Türkmenabatda dollaryň alyş-çalyş bahasy 38 manatdan geçdi. Türkmenistanyň Merkezi banky dollaryň resmi çalyşyk bahasyny 3,5 manatlygynda saklap galýar. Azatlyk Radiosynyň ýerli habarçylary dollaryň bahasynyň ýokarlanmagy bilen harytlaryň, şol sanda gurluşyk önümleriniň, azyk harytlarynyň we senagat önümleriniň bahalarynyň göterilendigini habar berýär. Читать дальше...

Ukraina Russiýanyň umumy serhede goşun ýygnaýandygyny öňe sürýän wagty, Russiýanyň Daşary işler ministri Sergeý Lawrow gündogar Ukrainada islendik “täze söweş” synanyşygynyň bu ýurdy ýok etjekdigini duýdurdy.

Global pandemiýanyň fonunda hiç bir COVID-19 hadysasyny resmi taýdan hasaba almadyk Türkmenistan oňa garşy sanjym etmäge dowam etdirýär. Karantin çäklendirmeleriniň arasynda bölekleýin dikeldilen otly gatnawlary berk gözegçilikde dowam edýän mahaly, ýurduň howa ýollary kompaniýasy daşary ýurt gatnawlarynyň häzirki wagtda dikeldilmeýändigini habar berýär.

1-nji aprelde Moskwada Türkmenistanyň we Orsýetiň hökümet resmileri duşuşyk geçirdi. Resmi maglumata görä, iki aýra duşuşykda Türkmenistanyň wise-premýerleri daşary işler ministri Reşit Meredow we ýokary gözegçilik palatasynyň başlygy Serdar Berdimuhamedow, Orsýetiň premýer-ministri Mihail Mişustin we daşary işler ministri Sergeý Lawrow bilen gepleşik geçirdiler.

Rus žurnalisti we telewision alyp baryjy Wladimir Pozner Tbilisä gelmegine bildirilen nägilelik aksiýasyndan soň Gürjüstandan gaýtmaly boldy. Bu barada gürji telewideniýesiniň "Ilkinji kanaly" habar berdi. Pozneriň Gürjüstana gelmegine garşy nägilelik çäresi çarşenbe güni agşam Tbilisiniň merkezinde başlandy. Onuň bolýan myhmanhanasynyň binasynyň daşynda oppozisiýa tarapyndan gurnalan demonstrasiýanyň we polisiýanyň arasynda çaknyşyk boldy. Demonstrantlar binanyň elektrik üpjünçiligini öçürmegi başardylar. Читать дальше...

Türkmenabatda çörek meselesi öňkülerine garanda hem has kynlaşdy, dükanlara irden bir gezek çörek gelýär, ýöne ol nobata duran adamlaryň ählisine ýetmeýär. Öňler döwlet dükanlarynda nobata durup, arzan çörek alyp bolýardy, gymmat çörek hususy dükanlarda hemişe bolardy. Häzir olarda hem çörek ýok.

Suw ýetmezligi diňe derýadaky suwuň azlygy bilen hem bagly däl. Azatlyk bilen gürleşen kärendeçiler ýurdy, oba hojalygyny çökerýän esasy nogsanyň ogurlyk, korrupsiýa bilen baglydygyny, bu ýagdaýyň metbugat azatlygynyň bolmazlygy, sudlaryň garaşly bolmagy netijesinde saklanýandygyny öňe sürýärler.

Eýran we dünýä ýurtlary Amerikanyň Birleşen Ştatlarynyň 2015-nji ýylda baglaşylan möhüm ýadro şertnamasyna gaýdyp gelmegi barada 2-nji aprelde wirtual gepleşikler geçirdiler. Ýewropa Bileleşigi tarapyndan 1-nji aprelde yglan edilen bu ädim Waşington tarapyndan makullandy we ol ýadro şertnamasyna gaýdyp gelmek üçin "özara ädim ätmäge" taýýardygyny aýtdy. Wirtual duşuşyga Hytaýyň, Fransiýanyň, Germaniýanyň, Russiýanyň, Britaniýanyň we Eýranyň wekilleri gatnaşýar. Ýewropa Bileleşiginiň 1-nji aprelde... Читать дальше...

Reşit Meredow COVID-19 göreş ýardamy uçin Orsýete minnetdarlyk bildirdi

Amerikanyň Birleşen Ştatlary, 100 million adama waksina etmek üçin möhüm tapgyra gadam basýar we saglyk işgärleriniň wirusyň täze görnüşleriniň ýokaşmagy zerarly keselçilik derejesiniň ýokarlanmagy baradaky duýduryşlary bilen bir wagtda ykdysadyýetiň täzeden açylmagy ugrunda tagalla edýär. Kesellere gözegçilik we öňüni alyş merkezleriniň 1-nji aprelde beren maglumatlaryna görä, 99,6 milliondan gowrak adam ýa-da ABŞ-nyň ilatynyň 30% koronawirusa garşy waksinanyň azyndan bir dozasyny alypdyr. 56 million töweregi adam doly sanjym alypdyr. Читать дальше...

Russiýanyň oppozisiýa lideri Alekseý Nawalnyý şu hepde açlyk yglan etmezden ozal türmede ep-esli agramyny ýitirdi, bu barada Kremliň tankytçysynyň ýaranlary aýtdylar. 1-nji aprelde Nawalnynyň Telegram kanalynda ýazan habarynda onuň ýaranlary Nawalnynyň geçen aýda türmä eltilende 93 kilogram bolan bolsa, häzirki wagtda onuň agramynyň 85 kilograma düşendigini mälim etdiler. Beýanatda aýdylmagyna görä, onuň horlanmagy ilkinji nobatda garawullar tarapyndan gije sekiz gezek oýandyrylmagy bilen baglanyşdyrylýar. Читать дальше...