Новости за 10.07.2023

Paýtagtyň golaýyndaky ýaşaýyş ýerleriň käbiri bir günden gowrak wagtlap elektrik toksuz galdy. Ahal welaýatyna degişli obalar paýtagta duldegşir ýerleşýär.

Aşgabadyň häkimiýetleri ýaşaýjylardan hojalyk hyzmatlarynyň ýylyň birinji ýarymy üçin töleglerini almak işlerini güýçlendirdiler. Şu günler ýerli gaz we elektrik üpjünçilik edaralarynyň, şeýle-de Öý dolandyryş müdirliginiň işgärleri köp gatly jaýlara aýlanyp, ýaşaýjylardan gaz, tok we jaý hyzmatlary üçin tölegleri geçirmegi talap edýärler.

Türkmenistanyň döwlet dükanlarynda dowam edýän un we çörek gytçylygynyň arasynda, Aşgabatda ilata ýeňillikli bahadan un gaýtadan satylyp başlandy. Ýerli ýaşaýjylar Azatlyk Radiosynda ýurtdaky un we çörek gytçylygy barada yzygiderli habar berlenden soň, häkimiýetleriň ýagdaýy gowulandyrmaga çalyşýandygyny aýdýarlar. “Şu gün döwlet dükanlarynda adam başyna bäş kilogram un satuwa çykarylyp başlandy. Bäş kilogram un 5 manada düşýär” diýip, aşgabatly ýaşaýjy aýtdy. Unuň duýdansyz satylyp başlanmagy... Читать дальше...

Türkmenistanyň oba hojalygy pudagynda dowam edýän problemalaryň arasynda, Mary welaýatynyň Baýramaly etrabynyň oba hojalygy edaralarynyň, şol sanda “Obahyzmat” önümçilik kärhanasynyň işgärleriniň arasynda işini taşlaýan adamlar köpelýär. Ýerli mehanizatorlar öz garamagyndaky oba hojalyk tehnikalaryna zerur bolan ätiýaçlyk şaýlarynyň üpjün edilmeýändigini we şahsy harajatlarynyň hasabyna tehnikalary abatlamagyň gymmada düşýändigini aýdýarlar. Baýramalynyň “Obahyzmat” kärhanasynda iş taşlaýan adamlaryň... Читать дальше...

Köp sanly adamyň gatnaşmagyndaky köpçülikleýin çäreler Türkmenistanyň jemgyýetçilik we syýasy durmuşyndaky wakalaryň aýrylmaz bir bölegine öwrüldi. Býujet işgärleri, studentler, mekdep okuwçylary, çagalar baglaryndaky körpeler, ýaşulular çärelere gatnaşmaga mejbur edilýär. Gatnaşmakdan ýüz öwürenler dürli kynçylyklara, şol sanda işinden aýrylmak howpuna duçar bolýar. Bu aralykda, Mary welaýatynda maýyp çagalar üçin mekdebiň işgärleri çärelere gatnaşmakdan boşadylmagyny gazanyp bildiler. Baýramalyda... Читать дальше...

Soňky aýlarda Balkan welaýatynyň Türkmenbaşy we Hazar şäherlerinde ogurlyk hadysalarynyň göz-görtele köpelendigini synlasa bolýar. Goşlary ogurlanan raýatlar etrap polisiýa işgärlerini jenaýatkärleri tapyp bilmezlikde aýyplaýarlar. Häkimiýetler polisiýa işgärlerine jenaýatçylar tapylmasa, onda raýatlaryň ogurlanan emläkleriniň öweziniň özlerine töletdiriljekdigi barada haýbat atýarlar. Bu ýagdaýlar barada Azatlyk Radiosynyň habarçysy we çeşmeleri 10-njy iýulda sebitden maglumat berdiler. “Türkmenbaşyda... Читать дальше...

Türkmenistanyň ýeke-täk mobil operatory bolan Altyn Asyr aragatnaşyk ulgamy sebitlerde ýerleşýän türmeleriň töwereginde işlemeýär, signal öçýär, anten ýitýär. Ýerli ýaşaýjylar bu ýagdaý bilen baglylykda türmelere oturdylan signal sowujylara yşarat edýärler. Ýurduň sebitlerindäki azatlykdan mahrum ediş edaralarynda, şol sanda Baýramaly şäherinde we Daşoguz welaýatynda ýerleşýän türmeleriň töwereginde signal sowujy enjamlar mobil aragatnaşygyna päsgel berýär. Baýramaly şäheriniň birnäçe ýaşaýjylary... Читать дальше...

Russiýanyň günorta Zaporižýa sebitindäki Orihiwde, front liniýasyndaky şäherde bir kömek paýlaýyş merkezine atylan top oklary azyndan dört adamy öldürdi we 13 adamy ýaralady diýip, sebit häkimi Ýuriý Malaşko 10-njy iýulda aýtdy. Rus güýçleri soňky 24 sagadyň dowamynda Zaporižýa sebitindäki 10 şäherçä jemi 36 howa zarbasyny urdy diýip, Malaşko sözüniň üstüni ýetirdi. Uruşdan öň 14,000 töweregi ilaty bolan Orihiw sebit paýtagtyndan, yzygiderli topa tutulýan Zaporižýa şäherinden 60 km uzaklykda ýerleşýär.

25 ýaşly bir adam Hytaýyň Guangdong welaýatynda bir çagalar bagyna hüjüm edip, alty adamy öldürdi, bir adamy ýaralady diýip, polisiýa aýtdy. Habar serişdeleri birinji gün Lianjiang etrabynda bolan hüjümiň pyçakly hüjüm bolandygyny habar berdiler. Polisiýa güman edilýäniň familiýasyny Wu diýip tanatdy we onuň Lianjiang şäherinden bolandygyny, tussag edilendigini aýtdy. Pyçakly hüjüm barada beýleki jikme-jiklikler aýan edilmedi. Bu hadysa sosial media platformasy bolan Weiboda iň köp guralan çekişmäniň temasy bolup... Читать дальше...

Şawkat Mirziýoýew 9-njy iýulda repressiw Merkezi Aziýa döwletinde netijesi öňünden belli bolan irki prezident saýlawynda üçünji möhlete prezident saýlandy. Özbegistanyň Merkezi saýlaw komissiýasy 10-njy iýulda, deslapky netijelere görä, Mirziýoýewiň 87,1% ses bilen gaýtadan saýlanandygyny aýtdy. Merkezi saýlaw topary 9-njy iýulda hasaba alnan saýlawçylaryň takmynan 70 göteriminiň (takmynan 13,46 million adam) günortana çenli ses berendigini we sanlaryň ses berişligi tassyklamak üçin zerur bolan... Читать дальше...

Türkmenistanyň prezidenti Serdar Berdimuhamedow wise-premýer Annageldi Ýazmyradowy, saglyk ýagdaýy sebäpli, wezipesinden boşatdy. Şeýle-de ol Araly halas etmegiň halkara gaznasynyň müdiriýetiniň agzasy wezipesinden boşadyldy. Ýazmyradow wezipesinden galla oragynyň barşy barada beren hasabatyndan soň boşadyldy. Döwlet baştutany onuň hasabatyny diňläp, TDH-nyň anyklaşdyrman habar bermegine görä, möwsümleýin oba hojalyk işleriniň möhüm ähmiýetine ünsi çekdi we wise-premýer saglyk ýagdaýy sebäpli işden boşadylmagyny sorady. Читать дальше...