Koronawirus çäreleri Pasha baýramçylygynyň dowamynda güýçlendi
Bu çäreler dünýäniň 1,3 milliard katolik hristianlaryň Pasha ýekşenbesini bellemeginden soň heläkçilikli koronawirusyň ýaýramagyny haýallatmak üçin edilýän işleriň dowamynda amala aşyrylýar.
Johns Hopkins Uniwersitetiniň 13-nji aprelde irden ýaýradan maglumatyna görä, dünýäde 1.85 million adam COVID-19 keseli bilen hasaba alnypdyr, 114 müň adam ýogalypdyr.
Kesellänleriň we ýogalanlaryň hakyky sanynyň has ýokarydygy çak edilýär.
Sanlaryň nätakyklygy hasaplamak usullarynyň dürlüligi we käbir hökümetleriň sanlary bilkastlaýyn ýaşyrmagy bilen düşündirilýär.
Geçen dynç günlerinde koronawirus bilen kesellänleriň sany boýunça iň uly ejir çeken ýurdy ABŞ boldy.
Johns Hopkins Uniwersitetiniň 13-nji aprelde beren sanlaryna görä, ABŞ-da COVID-19 ýokaşan 556 müň adam hasaba alnypdyr, 22 müň adam ýogalypdyr.