Oppozisiýa kandidatyny goldamak üçin Minskä on müňlerçe adam ýygnandy
Adam hukuklaryny goraýan “Wýasna” merkezi 30-njy iýulda Minskde geçirilen demonstrasiýa prezidentlige dalaşgär hökmünde hasaba alnan Swýatlana Tihanowskaýa goldaw bildirmek üçin azyndan 63 müň adamyň gelendigini, sebäbi soňky aýlarda 26 ýyl häkimiýet başynda oturan Lukaşenaknyň barha ulalýan jemgyýetçilik garşylygy bilen ýüzbe-ýüz bolýandygyny habar berdi.
Tihanowskaýa Minskdäki ýygnanyşykda oppozisiýanyň rewolýusiýa däl-de, “adalatly saýlaw” isleýändigini aýtdy.
1994-nji ýyldan bäri Belarusy dolandyrýan Lukaşenka ýakyn wagtda geçiriljek saýlawda altynjy möhlete dalaş edýär.
Tihanowskaýanyň adamsy, meşhur blogçy Syarheý Tihanowski geçen aý prezidentlige dalaş etmek isleýändigini aýdanyndan soň tussag edildi. Tihanowskaýa şondan soň saýlawlara gatnaşmak kararyna gelendigini aýtdy.