Ministr ýedi aýyň hasabatyny berdi, ölen esgerleri agzamady
Türkmenistanyň prezidenti 3-nji awgustda Döwlet howpsuzlyk geňeşiniň mejlisini geçirip, goranmak ministriniň orunbasaryna berk käýinç yglan etdi, ýol beren kemçiliklerini gysga wagtda düzetmegi üçin oňa soňky duýduryşyny berdi. Gurbanguly Berdimuhamedow goranmak ministriniň guramaçylygyndan hem nägiledigini aýtdy. Harby we hukuk goraýjy edaralaryň ýylyň ýedi aýyndaky işlerine seredilen mejlis Bekrewe ýolunda bolan ýol-ulag hadysasyndan iki hepde gowrak soň, täze satyn alnan harby-söweş uçarynyň döwlet baştutany tarapyndan elin synag edilen wagtyndan iki gün soň geçirildi.