Orsýet 20,564 täze COVID-19 hadysasyny, 762 adamyň ölendigini habar berdi
Moskwada 1666, Sankt-Peterburgda 1481 san täze näsag hasaba alyndy.
Russiýanyň koronawirusa garşy iş topary soňky 24 sagadyň içinde ýene 762 adamyň ölendigini tassyklady. Bu ýurduň wirus boýunça resmi ölüm sanyny 176.044-e ýetirdi.
Hökümetiň statistika gullugy, Rosstat pandemiýa garşy iş toparyndan başga, aýratyn hasap alyp barýar we 2020-nji ýylyň aprelinden şu ýylyň iýun aýyna çenli aralykda COVID-19 bilen baglanyşykly takmynan 315,000 adamyň ölendigini habar berdi.
“Roýtersiň” soňky Rosstat maglumatlaryna esaslanýan hasaplamalaryna görä, Russiýada 2020-nji ýylyň aprelinden şu ýylyň iýun aýyna çenli takmynan 463,000 adamyň ölendigi habar berildi.