Owganystanyň demirgazyk-gündogarynda bolan ýer titremesinde 8 adam öldi
Öten agşam Owganystanyň demirgazyk-gündogarynda bolan ýer titremesinde azyndan sekiz adam öldi diýip, resmiler 5-nji sentýabr güni irden aýtdylar.
Ölenleriň sanynyň köpelmegi mümkin diýip, Kunar sebitiniň häkiminiň metbugat sekretary Mawlawi Nejibullah Hanif žurnalistlere aýtdy.
Owganystanyň gündogaryndaky Jalalabad şäheriniň golaýynda 5.3 ball ölçeginde ýer titremesi boldy.
"Ýekşenbe gijesi bolan ýer titremesi maliýe we adam ýitgilerine sebäp boldy" diýip, Hanif aýtdy.
Iýun aýynda Owganystanyň gündogarynda bolan ýer titremesi 1000-den gowrak adamyň ölmegine we birnäçe şäherçäniň weýran bolmagyna sebäp boldy.