Özbegistanda bir ok-däri ammarynda bolan partlamada 16 adam ýaralandy
Merkezi Özbegistandaky bir harby desganyň ok-däri we ýarag ammarynda bolan partlama birnäçe adamy ýaralady we maddy zyýan ýetirdi.
Paýtagt Daşkentden 70 kilometr töweregi günbatarda ýerleşýän Syrderýa sebitindäki desgada bolan partlamanyň sebäbi bada-bat mälim bolmady.
Özbegistanyň Saglyk ministrligi 22-nji oktýabrda irden bolan partlamadan soňra, 16 adamyň keselhana ýerleşdirilendigini aýtdy.
Goranmak ministrligi hassahana ýerleşdirilen adamlaryň “adam janyna howp abandyrmaýan” ýaralanmalardan ejir çekendiklerini aýtdy. Desganyň töweregindäki öýlere we dükanlara zeper ýetdi.
Goranmak ministrligi waka bilen bagly derňew işlerine badalga berlendigni aýtdy.