Gyrgyz parlamenti Azatlyk Radiosynyň ýedi habarçysynyň iş rugsadyny togtatdy
Gyrgyzystanyň parlamenti 17-nji noýabrdan başlap, Azat Ýewropa/Azatlyk radiosynyň iki sany parlament habarçysynyň akkreditasiýasyny, iş ygtyýarnamasyny togtatdy.
Ýokarky geňeşiň 16-njy noýabrda gelen karary Merkezi Aziýa ýurdunyň Medeniýet ministrliginiň geçen aý Azatlyk radiosynyň Gyrgyz gullugynyň, “Azattyk” radiosynyň web sahypasyny petiklemeginden soň görlen ýene bir gadaganlyk çäresi boldy.
Ministrligiň web sahypa girmek elýeterliligini ýapmagynyň yzysüre, oktýabr aýynyň aýagynda, “Azattyk” radiosynyň bank hasaby hem doňduryldy.
Azat Ýewropa/Azatlyk Radiosynyň prezidenti we ýerine ýetiriji direktory Jeými Flaý şonda “Azattyk” radiosynyň bank hasabynyň doňdurlymagyny ýazgaryp çykyş etdi.