Erdogan näsagdygyny aýdyp, saýlaw ýygnanyşygyny ýatyrdy
Türkiýäniň prezidenti Taýyp Erdogan, 14-nji maýda geçiriljek möhüm saýlawlaryň öňüsyrasynda, saglyk ýagdaýy sebäpli 26-njy aprele bellenen kampaniýa duşuşygyny ýatyrandygyny aýtdy.
"Şu gün men, lukmanlarymyň maslahaty boýunça, öýde dynç alaryn" diýip, Erdogan öz twitter hasabynda ýazdy.
Erdogan 25-nji aprel güni giçlik göni ýaýlymda geçirilen TW söhbetdeşligini gysgaltdy we aşgazan agyrysy sebäpli özüni halsyz duýýandygyny aýtdy.