TikTok ABŞ-daky işiniň dikeldilýändigini aýdýar
TikTok X-da beýanat edip, “işini dikeltmek bilen meşguldygyny” aýtdy we saýlanan prezident Donald Trampa "zerur aýdyňlyk we kepillik berendigi" üçin minnetdarlyk bildirdi.
Tramp işe başlan ilkinji gününde bu meselede ýerine ýetiriş buýrugyny bermäge synanyşjakdygyny aýtdy.
Hytaýyň “ByteDance” kompaniýasynyň eýeçiligindäki TikTok 19-njy ýanwarda, Birleşen Ştatlardaky federal gadaganlyk güýje girmezinden öň, 12 sagat çemesi soň dolanyp gelmek üçin, liniýadan aýryldy.
Programma öz ulanyjylaryna bildiriş iberip, "TikTok ABŞ-a gaýdyp geldi!" diýdi.
TikTOK öz gaýdyp gelmegini ABŞ-nyň saýlanan prezidenti Donald Tramp bilen baglanyşdyrdy.
Ol 19-njy ýanwarda, “ByteDance” kompaniýasyndan TikTogyň hytaýly däl birine satylmagyny talap edýän kanunyň ýerine ýetirilmegini gijikdirmek üçin, 20-nji ýanwarda kasam kabul ediş dabarasyndan soň ýerine ýetiriş buýrugyny berjekdigini aýtdy.