Qırımda mahkeme qabaatlağan tarafqa «26 fevral işi» boyunca ilâve deliller taqdim etmege izin berdi
Fevralniñ 21-nde Kreml nezaretindeki Aqmescitniñ Merkeziy rayon mahkemesi oturışuvında prokurorğa «26 fevral işi» boyunca ilâve deliller taqdim etmege izin berdi, dep haber ete Qırım.Aqiqat muhbiri.
Aynı zamanda, qorçalağan tarafnıñ imayecileri, Rusiyeniñ qanunlarına köre, imaye vesiqaları taqdim etilgen soñ, berilgen deliller yañı olmasa, prokuratura tarafından olarnı teşkermege esas berecek iç bir türlü qaydeler olmağanını bildirip, itiraz etti.
«26 fevral işi»nen bağlı nevbetteki oturışuv fevralniñ 27-nde ötkerilecek.
2015 senesinde bir gruppa qırımtatar faallerine qarşı, 2014 senesi fevralniñ 26-sında Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün mahkeme başlatıldı. Olar kütleviy nizamsızlıqlarda iştirak etkenlerinde qabaatlandı.
Daa soñra mahkeme «Fevral 26 işi»ni ekige ayırdı: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.
Rusiye akimiyeti oktâbrniñ 25-nde Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerovnı azat etip, Türkiyege teslim etti. Daa soñra Umerov ve Çiygoz Kyivge keldiler.