Qırımda tintüv vaqtında tutulıp alınğanlarnıñ sayısı 15 insanğace arttı - "Qırım birdemligi"
İşğal etilgen Qırımda qırımtatarlarnıñ evlerinde keçirilgen tintüvler vaqtında Rusiye quvetçileri eñ azından 15 adamnı tutıp alğan, dep bildire Qırım.Aqiqatqa "Qırım birdemligi" cemiyet teşkilâtı. Berilgen malümatqa köre, Rustem Seythalilov, Tofik Abdulgaziyev, Cemil Gafarov, Seyran Murtaza, Alim Kerimov, Farhad Bazarov, Riza İzzetov, Şaban Umerov, Bilâl Adilov, Mecit Abdurahmanov, Akim Kerimov, Rustem Şeyhaliyev, Seytveli Seytabdiyev, Yaşar Müedinov ve Akim Bekirov tutulıp alındı. Olarnı Aqmescitteki Rusiye FSBsiniñ idaresine alıp ketkenler.