Qırımda 112 koronavirus hastası qayd etildi, bir künde altı hasta vefat etti – akimiyet
Qırımda keçken künü 112 koronavirus hastası qayd etildi, dep bildirdi Qırımnıñ Rusiye yolbaşçısı Sergey Aksenov. «85 hasta tibbiy yardım içün muracaat etkende qayd etildi, 26 kişi daa evel qayd etilgen hastalarnen alâqada oldı, 1 hasta çetelden keldi. Bir künde 109 insan tüzeldi, bütün müddet devamında 41 297 kişi yahşı oldı», – dep bildire Aksenovnıñ aytqanlarını Qırım ükümetiniñ matbuat hızmeti. Qırımnıñ Sağlıq nazirliginiñ malümatına köre, keçken künü altı hasta koronavirustan vefat etti, umumen pandemiya vaqtında 1402 kişi keçindi. Читать дальше...