Rusiye keniş mıqyaslı istilânı başlağandan berli 10 adam "qırımtatar batalyonınıñ iştirakçisi" olğanında suslanıp, yaqalandı
Rusiyeniñ Ukrayinağa qarşı keniş mıqyaslı istilâsı başlağandan berli Rusiye quvetçileri "Noman Çelebicihan adına qırımtatar batalyonı"nda iştirak etüv qabaatı ile eñ azı 10 adam yaqaladı. Bunı QırımSOS uquq qoruyıcı teşkilâtnıñ talilcisi Yevgen Yaroşenko haber etti. "Keniş mıqyaslı istilâ başlağandan berli işğal etilgen Qırımda Noman Çelebicihan adına göñülli qırımtatar batalyonında iştirak etüv qabaatı ile eñ azı 10 adam yaqalandı. Olardan 7-si Herson vilâyetinde qaçırılıp, Qırımğa ketirildi", - dedi Yaroşenko. Читать дальше...