Moskova: qırımtatarlarğa qoltutmaq içün mahkeme yanına onlarce adamlar keldi
Rusiye Yuqarı Mahkemesi yanına onlarce adamlar keldi, anda bugün birinci Bağçasaray "Hizb ut-Tahrir davası"nıñ ükmüne apellâtsiya baqıla. Bu aqta Rusiye uquq qoruyıcısı Aleksandra Krılenkova Facebookta bildirdi.
Faaller kurtkalarını çıqarıp, "Qırımda basqını toqtatıñız" yazılı futbolkalarda qalğan soñ, Rusile politseyskiyleri, cemiyet nizamını bozmamağa çağırttı ve "ruhsetsiz aktsiyalar yasaq", dep ihtar ettiler, dep bildire uquq qoruyıcı.
2016 senesi mayıs 12-de Bağçasarayda Rusiye quvetçileri musulmanlar, qırımtatarlarnıñ evleri ve yerli qavehanede bir sıra tintüvler keçirdi. Neticede dört Bağçasaray sakini: Zevri Abseitov, Remzi Memetov, Rustem Abiltarov ve Enver Mamutov yaqalanıp, terrorizmde qabaatlandı. Olarnı, Rusiyede terroristik tanılğan «Hizb ut-Tahrir» teşkilâtında iştirak etkenlerinden şübheli sayalar.
2018 senesi dekabr ayında Şimaliy-Kavkaz okrugınıñ arbiy mahkemesi Enver Mamutovnı 17 yıl sert rejimli koloniyada qalmasına üküm etti, Ruslan Abiltarov, Remzi Memetov ve Zevri Abseitov 9 yıl sert rejimli koloniyada qalmasına üküm etildi.
Mabüslerden iç birisi qabaatını tanımadı. Olar cinaiy işniñ «siyasiy sebepleri bar», dep qayd etti.