«Nasıl tutulğan ediñiz? Mükemmel!» Mahkümiyeti lâğu etilgen Mustafa Degermenciniñ ilk intervyüsı (video)
![«Nasıl tutulğan ediñiz? Mükemmel!» Mahkümiyeti lâğu etilgen Mustafa Degermenciniñ ilk intervyüsı (video)](https://gdb.rferl.org/d8021641-d845-4379-bb73-cf8ba1e9b8fd_tv_w800_h450.jpg)
Qırım Muhtar Cumhuriyetiniñ Yuqarı Şurası ögünde keçirilgen mitingden soñ altı yıl keçti. 2014 senesi fevralniñ 26-nda Aqmescitte Qırım parlamentiniñ azbarında Ukraina topraq bütünligine qoltutqan biñlernen qırımtatarı ve ukrain toplaştı. Olarnıñ arasında Mustafa Degermenci de bar edi, daa soñra onı «qalabalıqlarda iştirak etkeninde» qabaatladılar. Degermenci bir yıl ve on bir ay Aqmescit SİZOsında yattı, daa soñra ükmü çıqarılğanına qadar ev apsine alındı. Qırımlı dört buçuq yılğa şartlı olaraq üküm etildi. Şimdi mahkümiyeti lâğu etildi. «Memorial» aq qorçalayıcı merkezi onı siyasiy mabüs dep tanıdı. Mahkümiyeti lâğu etilgen soñ bergen ilk intervyüsında Mustafa Degermenci Qırım.Aqiqatqa işğal başlağanda olğan duyğuları ve apiste olğan eñ qıyın şeyler aqqında tarif ete.