Ekskavatorlar, «acele yardım», OMON: Qırımda qırımtatar milliy areketiniñ veteranı Rustem Üseinovnıñ evini yıqalar
SUDAQ – Qapsihor köyünde akimiyet qırımtatar milliy areketiniñ veteranı Rustem Üseinovnıñ evini yıqıp başladı. Şahsiy şeyler maşnanen evden çıqarıldı. Ev mahkeme icracılarınıñ, Rusiye polisiniñ ve OMON hadimleriniñ iştiragi ile yıqıla.
Noyabrniñ 24-nde Üseinovnıñ Qapsihordaki evine mahkme icracıları, Rusiye polisi, OMON hadimleri ve diger hızmetler evini yıqmaq içün keldi.
Qırım.Aqiqat mühbiriniñ malümatına köre, faalniñ evi yanında toplaşqan adamlarğa foto ve video çekmege yasaq etkenler. Toplanğanlarnıñ areket tarzını polis hadileri nezaret ete.
Üseinovnıñ özü icracılarğa mahkeme qararına istinaf şikâyeti berilgenini ve şimdi statsionarda tedaviylengenini bildirgen ve yıqıluvnıñ yerine ketirilmesini başqa vaqıtqa qldırmaq kerek olğanını aytqan. İcracılar çetke çekilip, telefonnen qonuşalar.
Mühbiriniñ bildirgenine köre, bu yılnıñ yazında yerli memuriyetniñ "araziniñ qanunsız inşaatı aqqında" davası boyunca mahkeme esnası keçirilgen.
Mahkeme Üseinovnıñ iştirgi olmadan keçken, çünki oña haber bile etilmegen.
Memuriy ve diger temsiliy organlarnıñaçıq tevfsirleri ve izaatları şimdilik yoq.
Şahsiy şeyler maşnanen evden çıqarıldı. Ev mahkeme icracılarınıñ, Rusiye polisiniñ ve OMON hadimleriniñ iştiragi ile yıqıla.
Faal Ferzi Cirikovnıñ Qırım.Aqiqatqa aytıp bergenine köre, Üseinov 2002 senesinden berli evniñ yerleşken arazini qanuniyleştirmege tırışqan. Evniñ yıqılması aqqında mahkeme qararını ise tünevin aqşam alğan.
Saba Rustem Üseinov yaramadı, onı acele yardım alıp ketti,
Onıñ malümatına köre, erkek eki taraflı pnevponiya diagnozı ile statsionarda tedaviylene. Üseinovnıñ qan basımı yükselgeni içün acele yardım alıp ketken.
Üseinovnıñ evini yıqmaq ıntıluvları aqqında oktâbr ayında Qırımtatar Milliy Meclis reisi Refat Çubarov.
Çubarovnıñ qayd etkenine köre, evini yıqmaq içün beş kün bergenler.
"Eser Rustem ağa özü evini yıqmasa, beş künden soñ onı mecburiy olaraq yıqacaqlar, yıquv ile bağlı masraflarnı ise oña ödetecekler", - dep yazdı Çubarov.
Ukraina TİN qırımtatar milliy areketiniñ iştirakçisi Rustem Üseinovnıñ eviniñ yıqtırılmasını takbih etti.
Bunıñ aqqında Twitterde Ukraina TİN yolbaşçısınıñ birinci muavini Emine Ceppar yazdı.
"Qırımda işğalciler qırımtatarlarnı öz toprağında yaşamaq aqqından marum ete. Bugün qanunsız şekilde qırımtatar milliy areketiniñ faali Rustem Üseinovnıñ evini yıqtılar. O, mahkeme qararına qarşı şikâyet berdi, amma o baqılmadı", - dep yazdı Ceppar.