Almaniyada eski bir universitette olğan atış vaqtında bir qaç insan yaralandı
Almaniyadaki prestijli bir Heidelberg universitetinde açılğan ateş neticesinde bir qaç insan yaralandı. Ücüm etken kişi öldi, dep tahmin etile. Bu aqta Mangeym şeeriniñ polisi Twitterde bildirdi.
Haberde aytılğanına köre, polis Mangeymge yaqın Geydelbergde büyük mahsus tedbirler keçire. Qayd etilgenine köre, ateş uzun namlu silâdan lektsiya zalında açıldı. Başqa tafsilâtlar şimdilik yoq.
Polis hadimleri vatandaşlardan acele yardım ve qurtarıcı maşinalarınıñ keçmesine keder etmemek içün adise yerinden uzaq olmasını rica etti.
Geydelberg universiteti — zemaneviy Almaniyada eñ eskisidir. O, Times Higher Education versiyasına köre milliy aliy oquv yurtları reytinginde üçünci yerde ve dünyada 42-nci yerde buluna.