Rusiye keniş mıqyaslı istilânı başlağandan berli 10 adam "qırımtatar batalyonınıñ iştirakçisi" olğanında suslanıp, yaqalandı
"Keniş mıqyaslı istilâ başlağandan berli işğal etilgen Qırımda Noman Çelebicihan adına göñülli qırımtatar batalyonında iştirak etüv qabaatı ile eñ azı 10 adam yaqalandı. Olardan 7-si Herson vilâyetinde qaçırılıp, Qırımğa ketirildi", - dedi Yaroşenko.
Evel Rusiye quvetçileri Qırımda Ukrayina Arbiy deñiz quvetleriniñ "Slavutiç" keşfiyat gemisiniñ keçmiş komandanı Oleksiy Kisilevnı Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlap, qaçırılğanı haber etilgen edi.
Evel, Rusiyeniñ Yuqarı mahkemesi "terrorcı" ilân etip, "Noman Çelebicihan adına qırımtatar göñülli batalyonını" Rusiye Fedartsiyası terrortiyasında yasaq etti.
Bundan evel işğal etilgen Qırımda "qırımtatar batalyonı"nıñ azası olmaqta qabaatlı tanılğan qırımtatarlarğa qarşı bir qaç qabaatlav qararı çıqarıldı.
Ukrayina qanun qoruyıcı organlarınıñ terkibinde "qırımtatar batalyonı"nıñ yaratılması aqqında muzakereler 2016 senesinden berli ketmekte.
oskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.