Новости за 25.08.2023

Моннан тыш Русия саклану министрлыгы Калуга өлкәсе һавасында ракет бәреп төшерүен дә хәбәр итә.

Указом Раиса Республики Татарстан почетное звание «Заслуженный работник жилищно-коммунального хозяйства Республики Татарстан» присвоено управляющему АО «Нурлатские тепловые сети» Шарапову Рамилю Шакировичу.

Мамадыш мөхтәсибәтендә «Шәкертләр бәйгесе» дип исемләнгән районкүләм чара узды. Балаларга әхлак тәрбиясе бирүгә багышланган чара быел бишенче тапкыр оештырылды.

Татарстанда халыкка адреслы социаль ярдәм күрсәтү өчен каралган айлык түләүләр индексацияләнәчәк. 2024 елдан 2026 елга кадәр индексация коэффициенты 1,04 тәшкил итәчәк. Бу хактагы мәгълүмат республика Финанс министрлыгы тарафыннан эшләнгән Карар проектында бар.

28-30 август көннәрендә Б.Рәмиев исемендәге IT-паркта Казан Мэры Кубогына традицион шахмат турниры узачак.

Якын көннәрдә Татарстанда һава температурасы төшүен дәвам итәчәк. Шимбә көндез температура 20 градуска кадәр дә күтәрелмәячәк. Бу хакта ТР Гидрометүзәге хәбәр итә.

«Мәктәпкә җыенырга ярдәм ит!» хәйриячелек акциясе кысаларында Чирмешән районының 220 укучысына уку кирәк-яраклары тутырылган мәктәп сумкалары тапшырдылар. Бу хакта «Безнең Чирмешән» хәбәр итә.

Түбән Каманы һәм Чаллыны урап уза торган юл төзелешенең өченче этабында ясалма корылмаларның техник әзерлеге 60 процент тәшкил итә. Бу хакта Түбән Кама муниципаль районы рәсми сайты «Волга-Вятскуправдор»ның матбугат хезмәтенә сылтама белән хәбәр итә.

Азнакай шәһәренең Яңа Юл микрорайонында яңа мәчет алчылды. Әлеге тантаналы чарада муниципаль район башлыгы Марсель Шәйдуллин, Татарстан мөфтиенең мөхтәсибәтләр эшчәнлеге буенча урынбасары Равил хәзрәт Зөфәров, Азнакай районы имам-мөхтәсибе Азат хәзрәт Талибуллин, авыл һәм шәһәр хәзрәтләре, бистә халкы катнашты. Бу хакта «Азнакай» сайтында хәбәр ителә.

Әлмәттә хуҗасыз хайваннарны дәвалау һәм тоту өчен «Кошкин дом» тернәкләндерү үзәгенә вольерлар төзү өчен җир кишәрлеге бүлеп бирелгән. Өстәмә урыннарга ихтыяҗ хайваннар санынның артуы белән бәйле. Хайваннарны яклаучылар моңа күптән ирешкән, шуңа күрә бирелгән җирләр приют өчен зур җиңү булган. Ләкин моңа да карамастан, бик күп проблемалар кала. Бу хакта «Әлмәт таңнары» хәбәр итә.

Питрәч районының Ленино-Кокушкино авылында «Мәктәпкә җыенырга ярдәм ит» хәйрия акциясе узды. Анда өч белем бирү учреждениесеннән балалар һәм аларның ата-аналары катнашты. Бу хакта «Алга» сайтында хәбәр ителә.

Чаллыда соңгы елларда татар яшьләре оештырган проектлар популярлашып килә. UrbanTatar төркеме татар яшьләре өчен заманча чаралар уздыра. Быел UT Fest 5 мең кешене кочаклады. Чарада татар яшьләре татар теле укытучыларының проблемын күтәрде.