Новости за 22.09.2023

«Иннополис» махсус икътисади зонасы һәм Иннополис университеты «Пилотсыз авиация системалары» оешмасы белән килешү төзеде. Әлеге чара Kazan Digital Week халыкара форумы кысаларында узды.

Сегодня в соцсетях появилось видео, снятое очевидцами на месте ДТП у железнодорожного вокзала Казань-2.

Первые дни осени обещают порадовать нас хорошей погодой, и многие горожане захотят провести это время на природе.

Казан көзге чор өчен популяр туристик юнәлешләр рәтенә керде. Татарстан башкаласы дүртенче урынны алды. Бу хакта Superjob порталы хәбәр итә.

Җомга, 22 сентябрьдә, Татарстанда антициклон тәэсирендә урнашкан аномаль җылы һәм коры һава торышы саклана. Бу хакта ТР Гидрометеоүзәге хәбәр итә.

Чаллыда 205 йорт заманча домофонлы булды. Барлыгы 6 меңгә якын панель урнаштырдылар. Ел ахырына кадәр санны 7 меңгә җиткерергә уйлыйлар. Бу хакта «Шәһри Чаллы» башкарма комитет матбугат хезмәтенә сылтама белән хәбәр итте.

Әлмәттә шәһәр паркындагы кафе активистлары, эшче куллар һәм акча җитмәүгә карамастан, маскировка челтәрләре үреп, хәрбиләр өчен ярдәм җыялар. Волонтерлар махсус хәрби операциядә катнашучы якташларына ярдәм сорап мөрәҗәгать иткән. Бу хакта «Әлмәт таңнары» хәбәр итә.

Татарстан Авыл хуҗалыгы һәм азык-төлек министрлыгы умарта кортлары серкәләндерә торган техник культураларны (рапс, шепкән, горчица һ.б.) игүдә бал кортлары агулануына юл куймый торган куркынычсыз технологияләрне актив керткән өчен бер төркем җитәкчеләрне һәм белгечләрне Рәхмәт хатлары белән бүләкләде. Анда Арча районы белгечләре дә бар. Бу хакта «Арча хәбәрләре» яза.

Түбән Кама шәһәренең туган көнендә Социалистик Хезмәт Геройлары, шәһәрнең Мактаулы гражданнары – Ганҗә Әхмәдиева һәм Клавдия Малышева яшәгән йорт фасадларына мемориаль такта куелачак. Нәкъ менә шушы көнне Түбән Каманың беренче төзүчеләренә хөрмәт күрсәтергә һәм аларга мемориаль такталар ачарга карар ителде. Бу хакта Түбән Кама муниципаль районы рәсми сайтында хәбәр ителә.

Кукмараның «Галактика» балалар иҗат үзәгендә Россия Герое исеменә лаек булган Рәсим Баксиков белән очрашу булды. Ул бу исемгә махсус хәрби операция вакытында батырлык, кыюлык һәм фидакарьлек күрсәткәне өчен лаек булды. «Хезмәт даны» шул хакта хәбәр итә.

Русиядә ягулык кризисы хөкем сөрә. Илнең көньяк төбәкләрендә генә түгел, дизель һәм бензингә кытлык Татарстанда да күзәтелә. Бу ягулыкка бәяләр үсүгә китерде. Урып-җыю эшләре вакытында иң зур зыянны авыл хуҗалыгында эшләүчеләр күрә.