Новости за 09.11.2023

Башкортстан Республикасы башлыгы Радий Хәбиров Covid-19 йоктырган һәм изоляциягә киткән. Бу хакта ТАСС хәбәр итә.

Свердловск өлкәсе мөселманнары Диния нәзарәтеннән (Үзәк мөфтият) мөфти Абдул-Котдус Ашарин җитәкчелегендәге зур делегация, шулай ук аның урынбасарлары һәм мөфтият хезмәткәрләре 8 нче тапкыр үткәрелгән зур этнографик диктант язуда катнашкан. Бу хакта Россия мөселманнары Дини җыены үзәкләштерелгән дини оешмасы матбугат хезмәте яза.

Татарстан Фәннәр академиясе Tatsoft татар сөйләмен тану сервисын ясаучы һәм рус, татар телләрендә сөйләшүләрне тәрҗемә итү өчен мобиль кушымта булдыручы белгечләр эзли. Эш 6,9 млн сумга якын бәяләнә.

Сибирь.Реалии искәртүенчә, былтыр сентябрьдә Путин игълан иткән "өлешчә" мобилизациянең тәмамлануы турында фәрман булмаганга, контрактчыларны өйләренә җибәрмәү өчен юридик мөмкинлек бар.

Казахстанның Сәмәй шәһәрендә Советлар союзы герое, каһарман-шагыйрь Муса Җәлилгә бюст ачылды. Бюст ачылышында Бөтендөнья татар конгрессының Милли шура рәисе Васил Шәйхразыев катнашты.

8 ноября в спортивном зале МАОУ «Нурлатская гимназия им. М.Е. Сергеева» в рамках проекта «Школьная Волейбольная Лига» провели турнир по пионерболу с элементами волейбола среди учащихся 6-х классов.

Филология институтында «Халык музыкасын җыюның актуаль мәсьәләләре» дип аталган түгәрәк өстәл барышында әдәбият белгече, филология фәннәре кандидаты Миләүшә Хәбетдинова кинода, спектакльләрдә милли көйләрне куллануның кирәклеге турында әйтте.

Юныс Әхмәтҗанов исемендәге VI яшь аш-су осталары бәйгесендә Гран-прины Татарстанның Югары Ослан районы вәкиле Зилә Әҗмуханова яулады. Җиңүчеләрнең исемнәре Казанның Бәшир Рәмиев исемендәге IT-паркында узган тантанада яңгырады.

В детском саду «Буратино» прошел осенний субботник.

8 ноябрь көнне Филология институтында Россия Федерациясендә игълан ителгән Педагог һәм остаз елына һәм танылган этномузыколог Э.Р. Каюмова истәлегенә багышланган «Халык музыкасын җыюның актуаль мәсьәләләре» дигән түгәрәк өстәл барышында Казан дәүләт консерваториясе доценты, Татарстанның атказанган сәнгать эшлеклесе, сәнгать фәннәре кандидаты Геннадий Макаров халык җәүһәрләрен саклау максатыннан аларны ирекле рәвештә тыңлау өчен интернетка урнаштырырга кирәклеген әйтте.

Ульяновск өлкәсенең Димитровград шәһәре мәгариф идарәсе җирле татар милли мәдәни автономиясе белән берлектә «Туган илем - йөрәгемдә» исемендәге иҗади бәйге игълан итә. Бу хакта «Өмет» газетасының телеграм-каналында хәбәр ителә.

В ЦРБ Нурлата за неделю на свет появились два ребенка.

Пәнҗешәмбе көнне Татарстан территориясендә аязучан болытлы һава көтелә, аерым районнарда томан булырга мөмкин. Бу хакта ТР Гидрометеоүзәге хәбәр итә.

С 1 по 17 ноября сотрудники 73 пожарно-спасательной части проводят рейды по проверке противопожарного состояния объектов с массовым пребыванием людей.

Бөтендөнья татар конгрессының Милли шура рәисе Васил Шәйхразыев «Абай укулары»ның дәрәҗәсен күтәрергә кирәклеген әйтте. Милли шура рәисенең Казахстанга эш сәфәре Сәмәй шәһәрендә Абай һәйкәленә чәчәкләр салудан башланды.

Кукмарада волонтерлар үзәге - бердәм мәйданчык барлыкка килде. Ул актив һәм битараф булмаганнарны үзенә берләштерә. Әлеге үзәк «Ялкын» яшүсмерләр клубы базасында «Көмеш яшь» волонтерлары, «Беренчеләр хәрәкәте» активистлары һәм җәмәгать эшлеклеләре катнашында ачылды. Бу хакта «Хезмәт даны» сайтында хәбәр ителә.

Чирмешәннән 2 километр ераклыктагы, Казансу юнәлешендәге юл кырыенда урнашкан Тегермән чишмәсен төзекләндерүгә быел да шактый акча тотылды. Бүген әлеге су чыганагы район инвалидлар җәмгыяте шефлыгында дип була. Җәмгыять чишмә һәм чишмә тирәсен төзекләндерү өчен, республика Рәисенең грантын алуга конкурста да катнашты. Бу хакта «Безнең Чирмешән» хәбәр итә.

Чүпрәледә тарихчы, язучы, мәгърифәтче Һади Атласиның тормышына һәм иҗатына багышланган фәнни-гамәли конференция узды. Кичә «Һади Атласиның милли мәдәният традицияләренең дәвамчылыгы идеясенең хәзерге көндә гәүдәләнеше» дип аталды. Бу хакта «Туган як» сайтында хәбәр ителә.

Апастан батальон командиры, майор Булат Бәдретдинов Батырлык ордены белән бүләкләнде. Ул узган ел октябрь аеннан бирле хәрби операциядә катнаша. Хезмәте буенча бронь алу мөмкинлеге булса да, Булат хәрби операциядән читтә калмады. Иң беренче сафларда ук махсус хәрби операция зонасына китте. Бу хакта «Апастово-информ» хәбәр итә.

Җинаять-башкару системасы ветераны көне алдыннан 8нче төзәтү колониясенә якын территориядә учреждение җитәкчелеге, хезмәткәрләре һәм элеккеге башлыклары, ветераннар оешмасы әгъзалары Ветераннар истәлеге аллеясын утырттылар. Бу хакта «Әлмәт таңнары» хәбәр итә.

Үзбәкстанда 38 яшьлек Илдар Хәйрулин 2014-2015 елларда фетнәчел "ДНР" хәрби хәрәкәтенә ялланып хезмәт итүдә гаепләнеп биш елга ирегеннән мәхрүм ителгән. Үзбәкстан кануннарына күрә, илнең ватандашларына башка илдә яллы хәрби хезмәт тыела. Алабугада яшәүче абыйсы энесенең гаепле булуын кире кага.