Новости за 04.03.2026

Дүшәмбе, 9 мартта, Казанның муниципаль парковкалары бушлай эшләячәк. Бу Халыкара хатын-кызлар көнен бәйрәм итү белән бәйле.

Татарстан Республикасы Фәннәр академиясендә «Урал-Идел буе археологиясе яңа тикшеренүләрдә» бөтенроссия фәнни конференциясе башланып китте. Конференцияне ТР Фәннәр академиясенең Халикова исемендәге археология институты оештыра. Институт чарада гадәттәгечә 2025 елдагы эшчәнлегенә йомгак ясаячак.

Бүген Габдулла Тукай әдәби музеенда «Йолдызлы экскурсия» проектының яңа сезоны башланды. Әлеге проект кысаларында музейда төрле профессия вәкилләре – мәдәният һәм сәнгать әһелләре, дәүләт һәм җәмәгать эшлеклеләре, галимнәр, спортчылар, журналистлар экскурсияләр уздыра.

Казанда 398 мәктәп укучысы пилотсыз авиация системаларын проектлау, хезмәт күрсәтү һәм идарә итү күнекмәләрен үзләштерә. Шәһәр мэриясе матбугат үзәге Мәгариф идарәсенә сылтама белән хәбәр иткәнчә, бу уку елында мәгариф оешмалары базасында 22 профильле түгәрәк ачылган.

Быел Татарстанда торак пунктларның чикләрен бердәм дәүләт реестрына кертү эшен төгәлләү бурычы куелган.

Россиядә мәктәп олимпиадаларын уздыру кагыйдәләре үзгәрәчәк. Үзгәрешләр финал этабын үтуәрү форматына, җиңүчеләрне билгеләү процедурасына, жюри составына һәм комиссияләргә карата таләпләргә, шулай ук олимпиадаларның дәрәҗәсен билгеләү тәртибенә кагылачак. Бу хакта Мәгариф һәм фән министрлыгына сылтама белән «Парламентская газета» хәбәр итә.

Татарстан Республикасы Мәдәни мирас объектларын саклау комитеты Тельман урамы, 24 адресында урнашкан төбәк әһәмиятендәге һәйкәлне реставрацияләү турындагы проект документациясен кабул итте. Бу хакта ведомствоның матбугат хезмәте хәбәр итә.

5 мартта төнлә һәм иртән Татарстан территориясендә һәм Казанда урыны белән томан көтелә. Бу хакта ТР Гидрометеорология үзәге хәбәр итә.

«ЭКСМО» нәшрияты «Намаз и Ураза. Молитва и пост в жизни правоверного» дип исемләнгән китап чыгарды. Басма «Татар-информ» агентлыгының яңалыклар хезмәте җитәкчесе Альмир Хәбибуллинның «Путь мусульманина» китабы нигезендә төзелгән.

Татарстанның Лаеш районында йөк машинасы йөртүчесе идарәне югалткан. Нәтиҗәдә машинаның цистернасы ауган, эчендәге сыеклык юлга аккан. Цистернада нәрсә булганы хәбәр ителми.

«Татарстан студентлар язы» республика фестивалендә катнашу өчен гаризалар кабул ителә башлады. Югары һәм урта махсус уку йортлары студентлары өчен конкурс сынаулары Казанда 4 апрельдән 15 апрельгә кадәр узачак. Югары уку йортлары студентлары өчен гала-концерт 18 майда, урта һөнәри белем бирү учреждениеләрендә белем алучылар өчен – 21 майда булачак. Бу хакта ТР Яшьләр эшләре министрлыгы матбугат хезмәте хәбәр итә.

В Татарстане сняли режим беспилотной опасности, который ввели накануне в 22.53 по мск. Информация появилась в официальном приложении МЧС России.

Татарстанда пилотсыз очкыч һөҗүм итү куркынычы режимы режимы гамәлдән чыгарылды, ул Мәскәү вакыты белән 22.53 сәгатьтә кертелгән иде. Россия Гадәттән тыш хәлләр министрлыгының рәсми кушымтасында шул хакта мәгълүмат чыкты.

Раис Татарстана Рустам Минниханов провел встречу с Чрезвычайным и Полномочным Послом Республики Уганда в РФ Мозесом Каваалууко Кизиге. Об этом сообщает пресс-служба руководителя республики.

Татарстан Рәисе Рөстәм Миңнеханов Уганда Республикасының Россия Федерациясендәге Гадәттән тыш һәм Тулы вәкаләтле Илчесе Мозес Каваалууко Кизиге белән очрашты. Бу хакта республика җитәкчесенең матбугат хезмәте хәбәр итә.

На территории Республики Татарстан проверяют систему оповещения населения.

Татарстан Республикасы территориясендә халыкка хәбәр җиткерү системасын тикшерәләр.

Свыше восьми тонн гуманитарной помощи направил Чистопольский район в подшефный Татарстану Лисичанск. Груз был сформирован при поддержке предприятий, предпринимательского сообщества и жителей района. Колонну, которую сопровождал глава Чистопольского района Дмитриий Иванов, встретил заместитель премьер-министра РТ Ринат Садыков.

Чистай районы Татарстан шефлыкка алган Лисичанскига сигез тоннадан артык гуманитар ярдәм җибәрде. Йөк предприятиеләр, эшмәкәрләр бергәлеге һәм район халкы ярдәме белән формалаштырылды. Чистай районы башлыгы Дмитрий Иванов озата барган колоннаны ТР Премьер-министры урынбасары Ринат Садыйков каршы алды.

Сораштыруда катнашкан Россия гражданнарының күбесе онлайн-казиноны «күләгә»дән чыгару идеясен хупламый. Бу хакта «Ведомости» Бөтенроссия җәмәгатьчелек фикерен өйрәнү аналитик үзәге үткәргән сораштыру нәтиҗәләренә сылтама белән хәбәр итә.

Чистайда яшәүче 25 яшьлек егетне ялган машина йөртү таныклыгы сатып алган өчен хөкем итәчәкләр. Бу хакта Татарстан буенча Эчке эшләр министрлыгының матбугат хезмәте хәбәр итә.

Татарстанның өч шәһәрендә пилотсыз очкыч һөҗүм итү куркынычы режимы гамәлдән чыгарылды. Элегрәк Гадәттән тыш хәлләр министрлыгы Алабуга, Түбән Кама һәм Чаллыда чикләүләр кертелүе турында хәбәр иткән иде.

Казан Халыкара аэропортында эчке һәм халыкара рейслар тоткарлана. Һава аланының онлайн-таблосы мәгълүматларында шулай диелә.

Сергей прибыл в Казань из Новосибирска, ему 47 лет. Он решил подписать контракт в Татарстане, потому что здесь самая высокая выплата в ПФО. В ближайшее время он убывает на службу.

Сергей Казанга Новосибирскидан килгән, аңа - 47 яшь. Ул Татарстанда контракт имзаларга карар кылган, чөнки биредә Идел буе федераль округындагы иң югары түләүгә өметләнергә була. Якын арада ул хезмәт итү урынына китәчәк.