Новости за 21.03.2026

Татарстан Республикасы Рәисе Рөстәм Миңнеханов Гагарин Кубогының плей-офф матчлары башланыр алдыннан «Ак Барс» хоккей клубына уңышлар теләде. Миңнехановның «Ак Барс» командасы белән очрашуы клуб базасында узды, дип хәбәр итә «ТИ-Спорт».

Саклану министрлыгы ЗАГС реестрына керү хокукын алырга мөмкин, шул хактагы закон проекты Дәүләт Думасының рәсми сайтында урнаштырылган.

Татарстан Рәисе Рөстәм Миңнеханов традицион республика киңәшмәсендә урманчыларга һәм гадәттән тыш хәлләр министрлыгы хезмәткәрләренә урман янгыннарына юл куймаганнары өчен рәхмәт белдерде.

Татарстан муниципалитетлары җитәкчеләренә Нәүрүз бәйрәменә багышланган чараларны уздыруда ярдәм итәргә кирәк. Татарстан Рәисе Рөстәм Миңнеханов традицион республика киңәшмәсендә шулай дип белдерде.

Ике кыз башта - Казанның «Кольцо» сәүдә үзәге түбәсенә, аннары төзелеш кранына менгән, аларны полиция эзли.

Татарстанда пилотсыз очкыч һөҗүм итү куркынычы режимы гамәлдән чыгарылды, диелә Россия Гадәттән тыш хәлләр министрлыгының рәсми кушымтасында.

Идел буе транспорт прокуратурасы, Татарстан аэропортларында рейслар тоткарлану сәбәпле, пассажирларның хокуклары үтәлешен контрольдә тота.

Ана капиталын Федерация субъектларына караган микрокредит компанияләреннән ипотеканы түләүгә сарыф итеп булачак. Бу хакта ТАСС агентлыгы РФ Хөкүмәте карарына сылтама белән хәбәр итә.

Кичә, 20 мартта, Казанның Каюм Насыйри урамында Ураза гаетенә багышланган «Рамазан-фест 2026» бәйрәме узды. Бу хакта оештыручылар хәбәр итә.

В Уфе осколки сбитых беспилотников упали на дом. Есть пострадавшие, сообщил глава Башкортостана, Радий Хабиров.

Уфада юк ителгән ике пилотсыз очкычның ватыклары йорт өстенә төшкән. Зыян күрүчеләр бар, дип хәбәр итте Башкортстан Башлыгы Радий Хәбиров.

Казанда 8 яшьтән 13 яшькә кадәрге спортчылар арасында узган суга сикерү буенча «Алтын Барс» Бөтенроссия ярышларында Татарстан командасы ун медаль (алты - алтын, өч – көмеш, бер – бронза) яулады.

Казанда яшәүче тыл хезмәтчәне Илсур Мансур улы Нурисламов бүген 95 яшьлек юбилеен билгеләп үтә. Бу хакта ТР Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

Житель Башкирии стал очередным счастливчиком, которому улыбнулась удача в розыгрыше лотереи. Выигрыш мужчины составил 7,1 млн рублей, сообщили в пресс-службе лотерейного центра.

Уфада яшәүче ир-ат лотереяга 7,1 миллион сум акча откан. Бу хакта «Башинформ» агентлыгы лотерея үзәге матбугат хезмәтенә сылтама белән хәбәр итә.

16 марттан 13 апрельгә кадәр Татарстанда инвалидлар һәм сәламәтлек мөмкинлекләре чикләнгән кешеләр арасында һөнәри осталык буенча «Абилимпикс» төбәк чемпионаты узачак. Чемпионат «Яшьләр һәм балалар» илкүләм проектының «Профессионалитет» федераль проекты кысаларында гамәлгә ашырыла. Ярышларда якынча 1 800 конкурсант – «Мәктәп укучылары», «Студентлар» һәм «Белгечләр» категорияләрендә 600әр кеше катнашачак, дип хәбәр итә Һөнәри компетенцияләрне үстерү үзәге матбугат хезмәте.

Татарстан Республикасының Свердловск өлкәсендәге Даими вәкиллегендә легендар татар җырчысы Илһам Шакировка багышланган «Илһам Шакиров: бөек халык җырчысы» документаль фильмының премьерасы булды. Бу хакта Бөтендөнья татар конгрессы матбугат хезмәте хәбәр итә.

Хәзерге заман тарихында беренче тапкыр Берлиндагы «Ballhaus Prinzenallee» театры сәхнәсендә татар спектакле куелды. Кәрим Тинчурин исемендәге Татар дәүләт драма һәм комедия театрының баш режиссеры Айдар Җәббаров Гаяз Исхакый хикәяләре нигезендә «Чыганак» тамашасын тәкъдим итте.

Татарстанда 1:09 сәгатьтә пилотсыз очкыч һөҗүм итү куркынычы режимы игълан ителде. Бу хакта Россия Гадәттән тыш хәлләр министрлыгының рәсми кушымтасында хәбәр ителә.

Сегодня, 21 марта, в республике прогнозируется переменная облачность, существенных осадков не ожидается. Об этом сообщает Гидрометцентр РТ.

Бүген, 21 мартта, республикада алмашынучан болытлы һава торышы фаразлана, сизелерлек явым-төшем көтелми. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.