Омск татарларына Галиәскәр Камалның «Беренче театр» спектакле тәкъдим ителәчәк
(Казан, 28 декабрь, «Татар-информ»). 29 декабрьдә Омск татарларына Галиәскәр Камалның «Беренче театр» спектаклен беренче тапкыр һәвәскәр артистлар тәкьдим итә. Бу турыда Бөтендөнья татар конгрессы сайтында хәбәр ителә.
Омск шәһәрендә уңышлы рәвештә «Туган тел» якшәмбе мәктәбе эшен дәвам итә. 2019 елда «Туган тел» мәктәбе каршында беренче татар театры оештырылды. Шәһәрдә 1912 елда һәвәскәр артистлар тарафтан оештырылган татар театры 1917 нче елга кадәр генә халкыбызга хезмәт итә. Советлар чорында татар театры оештырылмаган.
Безнең төп максатыбыз — халкыбызны театрның илаһи көче, бөек драматургларыбызның иҗатлары белән таныштыру, театр аша телебезне саклап, үстерү күз алдында тотыла.