Чиләбедә татар әкиятләре буенча семинар узачак
(Казан, 7 февраль, «Татар-информ»). 9 февральдә Чиләбедә татар әкиятләре буенча семинар узачак. Бу хакта «Урал татарлары» сайты хәбәр итә.
«Яшьләр74» яшьләр берләшмәсе татар халык әкиятләре турында фикер алышырга чакыра. Семинарда әкиятләрнең тарихи аспекты, халык тормышындагы гыйбрәтле хикәяләрнең чагылышы, безнең тормышыбызда аларның урыны турында сөйләшәчәкләр.