Казанда чит ил автомобиле юл аркылы йөгереп чыккан кызны бәрдергән
(Казан, 13 март, «Татар-информ», Полина Шевчук). Казанда чит ил автомобиле караңгыда юл аркылы йөгереп чыккан кызны бәрдергән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
Авария кичә кичке уннар тирәсендә Ижевская урамында булган. Башлангыч мәгълүматларга караганда, «Мазда» автомобилен идарә итүче 18 яшьлек егет имин тизлек сайламаган һәм тиешсез урында юл аркылы чыккан 26 яшьлек кызны таптаткан.
Җәяүлене бәрдергәннән соң, чит ил автомобиле юлдан читкә чыгып киртәгә килеп сыланган. Нәтиҗәдә, 26 яшьлек кыз алган җәрәхәтләрдән шунда ук үлгән.