Урта һөнәри белем бирү оешмалары абитуриентларны 25 ноябрьгә кадәр кабул итә
(Казан, 8 июнь, «Татар-информ»). Урта һөнәри белем бирү оешмалары буш урыннар булганда абитуриентларны кабул итүне 25 ноябрьгә кадәр озайтачак. Бу хакта «Ата-ана мәсьәләсе» радиопрограммасы эфирында Россия мәгариф министрының беренче урынбасары Дмитрий Глушко хәбәр итте.
Көллияткә һәм техникумнарга көндезге бүлекләргә документлар бирү срогы 25 августка кадәр озайтылды.
«Бюджет урыннарына кергәндә аттестатта уртача баллары югары булган абитуриентларга өстенлек биреләчәк, — дип сөйләде Дмитрий Глушко.
Әгәр аттестаттагы нәтиҗәләр белән абитуриент билгеле бер көллияттә сайлап алынган белгечлеккә укырга керә алмаса, аның 25 ноябрьгә кадәр буш урыннары булган уку йортын сайлау мөмкинлеге булачак.
Билгеле бер иҗади сәләт, физик һәм психологик сыйфатлар таләп итә торган белгечлектә сынаулар дистанцион формада үткәрелергә мөмкин, диде мәгариф министрының беренче урынбасары.