Чүпрәле делегациясе Мәскәү өлкәсендә шефлыкка алынган хәрби частьта булган
![Чүпрәле делегациясе Мәскәү өлкәсендә шефлыкка алынган хәрби частьта булган](https://tatar-inform.tatar/attachments/cfdb279b97f4575f25add01f7d70c4468f3fee50/store/fill/780/440/040bf78bcad5854b890436af71d695c15b8d1c8a0f4c567dd4b33566496b/e26a0c45ad2c01d4d9d015eecf359c90.jpg)
(Казан, 4 октябрь, «Татар-информ»). Чүпрәле районы делегациясе шефлыкка алынган 58172нче хәрби частьта булды, ул Мәскәү өлкәсенең Ногинск шәһәрендә урнашкан. Бу хакта «Туган як» газетасы яза. Делегация составына район башлыгы Марат Гафаров, район башкарма комитеты җитәкчесе урынбасары Айрат Җәләлов, Буа һәм Чүпрәле районнарының хәрби комиссары Радик Төхвәтуллин кергән. Делегация хәрби часть командованиесе һәм хәрби хезмәткәрләр белән очрашу үткәрде. Шулай ук чүпрәлеләр хәрби хезмәткәрләрнең хезмәт һәм көнкүреш шартлары белән танышты, хәрби частька телевизор бүләк иттеләр, ә хәрби хезмәткәрләр өйдә пешерелгән ризыктан авыз итте. Хәзерге вакытта Чүпрәле районыннан Ногинскида 17 егет хезмәт итә. Егетләр, аларның хезмәт белән проблемалары юк, ата-аналар белән даими шалтыратышалар, яшәү шартлары уңайлы, дип ышандыра.