Чүпрәле районында чаңгыда шуу сезоны ачылды
(Казан, 8 декабрь, «Татар-информ»). Иске Чүпрәле авылында чаңгы шуу сезонын ачтылар. Кич белән шуарга уңайлы булсын өчен чаңгы юлы яктыртыла. Бу турыда «Родной край» газетасы яза. Сишәмбе, пәнҗешәмбе, җомга һәм шимбә көннәрендә кичке биштән алып кичке тугызга кадәр, ә якшәмбе көнне 11.00-16.00 сәгатьләрдә чаңгыларны прокатка алырга мөмкин. Чаңгы инвентаре комплектының бәясе 50 сум тәшкил итә. Мәгълүматны ачыклау өчен 8 (84375) 2-24-05 телефоны буенча шалтыратырга кирәк.