Сәламәтлек саклау министрлыгы: Әлегә ковидның өченче дулкыны турында сөйләргә иртәрәк
(Казан, 31 март, «Татар-информ»). Россиядә Covid-19 коронавирусы пандемиясенең өченче дулкыны башлану турындагы сөйләргә иртәрәк . Бу хакта РФ Сәламәтлек саклау министры Михаил Мурашко белдерде.
«<...> авырулар саны көн саен кими бара, шуңа күрә әлегә өченче дулкын турында сөйләргә иртәрәк», — диде министр Беренче каналдагы «Док-ток» тапшыруы эфирында.
Россия Сәламәтлек саклау министрлыгы башлыгы сүзләренчә, коронавирус белән авырган кешеләрнең күбесендә Covid-19га иммунитет формалаша.
Элегрәк РФ Сәламәтлек саклау министры урынбасары Татьяна Семенова Россиядә Covid-19 инфекциясе таралуның өченче дулкыны булу мөмкинлеге турында әйткән иде.