Казан шәһәр Думасының элеккеге депутаты Әскәр Камалиев вафат
(Казан, 4 июнь, «Татар-информ»). Өченче чакырылыш Казан шәһәр Думасы депутаты Әскәр Камалиев вафат булган. Аңа 42 яшь иде. «Казан мэриясе өченче чакырылыш Казан шәһәр Думасы депутаты Камалиев Әскәр Альберт улының туганнарының һәм якыннарының кайгысын уртаклаша», диелә мэриянең матбугат хезмәте хәбәрендә.
Әскәр Камалеев 1979 елның 24 декабрендә Казанда туган, Ленин исемендәге Казан дәүләт университетын тәмамлаган. 2005-2006 елларда Татарстан юстиция министры ярдәмчесе була, 2006-2010 елларда — Казанның Идел буе районы администрациясе башлыгының беренче урынбасары.
Ул 2010-2011 елда Казан торак инспекциясе җитәкче урынбасары, ә аннары җитәкчесе булып эшләгән. 2015-2020 елда Казан шәһәре Думасы депутаты булган. Гомеренең соңгы елларында «СпецТехСтрой» һәм «АртТехСтрой» җаваплылыгы чикләнгән җәмгыятьләрнең финанс директоры булып эшләгән.