Краснодар краенда «Татар кызы» конкурсында Кырым татарлары оешмасы вәкиле җиңде
(Казан, 28 июнь, «Татар-информ»). Краснодар краенда «Татар кызы» конкурсы тәмамланды. Анда Новороссийск шәһәренең Кырым татарлары оешмасы вәкиле Урие Сейтумерова җиңде. Җиңүчегә 23 яшь. Бу турыда Краснодар татарларының инстаграм битендә хәбәр ителә.
Бәйгедә икенче урынны Тихорецк шәһәре татарлар оешмасы вәкиле 18 яшьлек Аделина Колесникова алды.
Краснодар кызы Гүзәл Әхмәтова (1998 елгы) һәм Адыгея кызы Рәмзия Сәлимҗанова (2000 елгы) өченче һәм дүртенче урыннарны бүлеште.⠀