COVID-19 вазгыяте начарлану сәбәпле, Кырымда туристлык сезоны ябылырга мөмкин
(Казан, 21 июль, «Татар-информ»). Коронавирус вазгыяте начарлану сәбәпле, Кырымда туристлык сезонын ябу планлаштырылмый, әмма андый куркыныч бар.
«Әлегә андый карар да, план да юк. Әгәр тискәре вазгыять иң югары ноктадан уза икән, моны эшләргә туры киләчәк. Әлбәттә авыр булачак», — диде республика башлыгы Сергей Аксенов оператив штаб утырышында.
Ярымутрауда яңа антирекорд куелган — бер атнада коронавирус йоктыруның 2767 очрагы теркәлгән.